Vanda kaka na kiminu ya ngolo ntangu ya ke kumá mpasi na kuzwa mbongo

Luzingu na bilumbu ya nsuka yayi ke ya kufuluka na bampasi. Bampasi ke na lutilá dyaka ntangu beto ke na kwendá na nsuka ya yinza yayi. Beto lenda kutana na bamambu ya mutindu na mutindu. (Aba 3:16-18) Ntangu beto ke ve na mbongo mingi samu na kusumba bima yina me lunga, yinki lenda sadisa beto? Beto zolá bika ve kutula ntima na Yehova, Nzambi ya beto. Yandi zonzá ti yandi ke bika ve beto mpe yandi ke kipe bansatu ya beto ntangu nyonso.—Nku 37:18, 19; Ebr 13:5, 6.

Yina nge lenda sala:

• Lomba na Yehova yandi twadisa nge, yandi pesa nge mayela, mpe yandi sadisa nge.—Nku 62:8

• Yidama samu na kundima kisalu ni kisalu yina lenda talana.—g-F 1/10 8-9, encadrés

• Bumba bifu ya mbote ya kimpeve faso kutanga Biblia bilumbu nyonso, kukwenda na balukutakanu, mpe kusamuna

LUTISA VIDEO TUNGA YINZO YINA KE SALA BAMVULA MINGI—“SEPELA NA BIMA YINA NGE KE NA YAWU BUBU YAYI,” MPE NA MANIMA YUFULA BYUVU YAYI:

• Wapi bamambu ya mpasi makanda ke na kutaná na yawu?

• Yinki me lutila mfunu na luzingu?

• Wapi mutindu beto lenda sadisa ba yina ke ve na mbongo mingi na kuzwa yina me lunga?