ZINGA MUTINDU BAKRISTO ME FWANA KUZINGA
Vanda ya kubongama na bamambu ya mavimpi
Samu na yinki ya ke mbote na kuvanda ya kubongama? Kimbevo ke zonzá ve ntangu ya ke kwiza. Na yawu, tekila mambu kubwa, sadila bima nyonso yina lenda sadisa nge na kubongama. Ya ke sala ti ntangu nge ke kuzwa mambu ya mavimpi, ba kipe nge na faso ya mbote. Kusala mutindu yayi, ke lakisa ti nge ke zitisaka luzingu mpe musiku ya Yehova na yina me tadila menga.—Bis 15:28, 29.
Yinki nge lenda sala samu na kuvanda ya kubongama?
Sambila mpe fulusa mukanda ya DPA.a Bampangi yina ke na mbotokolo lenda kuzwa mukanda ya DPA na kisika ya mpangi yina ke pesá mikanda na Yinzo ya Kimfumu. Ba lenda kuzwa mpe Carte d’identité (ic) samu na bana ya bawu ya fioti
Kana nge ke na kivumu, lomba na bakuluntu mukanda Fiche d’information pour les femmes enceintes (S-401). Mukanda yayi ke sadisa nge na kubaka mikanu ya mbote samu na bamambu yina lenda salama ntangu nge ke na kivumu mpe ntangu nge ke buta
Kana nge zaba ti nge ke na mambu ya mavimpi yina lenda sala ti ba lomba na nge na kubwela menga to ba simba nge na lupitalu, zonza na bakuluntu mpe zonza na bantu ya lupitalu ti nge ke vanda na nsatu mosi ya bampangi yina ke twadisá kimvuka kwiza tala nge
Wa’ faso bakuluntu lenda sadisa nge? Ba lenda sadisa nge na kufulusa DPA. Kasi ni bakuluntu ve muntu ke baka mikanu samu na nge to ke zonza na nge makanisi ya bawu na mambu yina muntu na muntu me bonga kubaka mukanu. (Ro 14:12; Ga 6:5) Ntangu nge ke zonza na bakuluntu ti nge ke na kimbevo yina lenda sala ti ba lomba na nge na kubwela menga, bakuluntu ke bokila na mbangu nyonso bampangi ya comité de liaison hospitalier (CLH) samu ba sadisa nge.
Wa’ faso CLH lenda sadisa nge? Ba longá bampangi ya CLH mutindu ba lenda sadisa bantu ya lupitalu mpe ya tribunal na kuzaba samu na yinki beto ke mangá kubwela menga. Ba lenda solola na docteur ya nge na bamambu yina yandi lenda sala samu na kusadila ve menga ntangu yandi ke kipe nge. Kana nge zola, ba lenda sadisa nge na kuzwa docteur yina lenda ndima kukipe nge mpe kusadila ve menga.
TALA VIDEO WA’ FASO BETO LENDA BAKA MIKANU YA MBOTE NA YINA ME TADILA MAMBU YA MENGA, MPE NA MANIMA PESA MVUTU NA KYUVU YAYI:
Yinki nge me longoka na video yayi yina lenda sadisa nge na kuvanda ya kubongama na bamambu ya mavimpi yina lenda lomba ba bwela nge menga?
a Kileso 39 ya buku Sepela na luzingu ya ntangu nyonso! lenda sadisa nge na kubaka mikanu ya mbote na yina me tadila mambu ya mavimpi yina lenda lomba ba bwela menga.