Nge lenda sala ti dikanda ya nge vanda na kilengi

Yehova zola ti makanda vanda na kilengi. (Nku 127:3-5; Lon 9:9; 11:9) Kasi, bankwamusu ya yinza yayi, mpe bafoti yina bantu ya dikanda ya beto ke salaka lenda sala ti beto vanda dyaka ve na kilengi. Yinki konso muntu ya dikanda lenda sala samu ti dikanda vanda na kilengi?

Bakala ke zitisá kento ya yandi. (1Pi 3:7) Yandi ke lutisá ntangu na yandi. Yandi ke vingilá ve ti kento ya yandi sala mambu yina yandi ke ve na ngolo ya kusala, mpe yandi ke lakisá ti yandi ke sepelá na mambu yina kento ya yandi ke salá samu na yandi mpe samu na dikanda ya bawu. (Kol 3:15) Yandi ke lakisá luzolo yina yandi ke na yawu samu na yandi mpe yandi ke zonzilá bamambu ya mbote yina kento ya yandi ke salaka.​—Bin 31:28, 31.

Kento ke sosá kusadisa bakala ya yandi. (Bin 31:12) Yandi ke wilá bakala ya yandi mpe ke salá kintwadi na yandi. (Kol 3:18) Yandi ke zonzá na bakala ya yandi na buzitu nyonso mpe ke zonzilá bambote ya yandi.​—Bin 31:26.

Bibuti ke lutisá ntangu na bana ya bawu. (Kul 6:6, 7) Ba ke zonzá na bana ya bawu ti ba ke zolá bawu. (Mt 3:17) Ba ke sembá bawu na luzolo mpe mayela nyonso.​—Ef 6:4.

Bana ke zitisá mpe ke tumamá na bibuti ya bawu. (Bin 23:22) Ba ke zonzilá na bibuti ya bawu makanisi ya bawu. Ba ke ndimá ntangu ba ke sembá bawu, mpe ba ke pesá bibuti ya bawu buzitu.​—Bin 19:20.

TALA VIDEO SALA NYONSO SAMU DIKANDA YA NGE VANDA NA KILENGI, MPE NA MANIMA PESA MVUTU NA KYUVU YAYI:

• Yinki mosi na mosi na kati ya dikanda yayi salaka samu kilengi vanda na kati ya bawu?