Mambu ya kitoko ya kutanga

Nge ke sepelá kutanga masolo ya luzingu ya bampangi ya beto?

Bampangi ya kukwela yina ke tangá disolo mosi ya luzingu bilumbu nyonso na suka me zonza: “Kutanga masolo yayi ke kindisá beto mpe ke pesá beto kilengi mingi. Ya ke lakisá beto ti beto mpe lenda bikana ya kukangama na Yehova na mantwala ya mambu ni mambu yina lenda kumina beto.” Mpangi mosi ya kento ke kabulá dikanisi yayi. Yandi me zonza: “Masolo ya luzingu ke pesá munu ngolo, kilengi mpe nsatu ya kusala dyaka mingi samu na Yehova. Bampangi ya beto ya kento na ya bakala me lenda kulungisa bamambu ya kitoko na luzingu ya bawu. Masolo ya bawu ke pesá munu nsatu ya kusala dyaka mingi samu na Yehova mpe na kusadisa bana ya munu na kusoola nzila ya kisalu ya ntangu nyonso.”

Masolo ya luzingu ya bampangi lenda sadisa nge na kusala dyaka mingi samu na Yehova, na kununga bifu ya yimbi yina nge ke na yawu, mpe na kukanga ntima na kilengi na mantwala ya bampasi ya nene. Wapi kisika nge lenda kuzwa masolo yango?

• Na jw.org to JW Library kota na “Biographies de Témoins de Jéhovah”.

• Na BIBLIOTHÈQUE EN LIGNE Watchtower to Watchtower Library, sosa “Biographies de Témoins de Jéhovah”.