3. Samu na yinki bantu ke ve faso mosi na bibulu?

Na manima ya kuyidika ntoto, Yehova tulá luzingu na zulu ya yawu. Ya ntete, yandi yidiká bayinti mpe bibulu. Na manima, “Nzambi yidikaka muntu na kifwani ya yandi.” (Tanga Kubanda 1:27.) Samu na yinki bantu ke ve faso mosi na bibulu? Samu ti Nzambi yidiká beto na kifwani ya yandi. Ya zola zonza ti beto mpe lenda lakisa luzolo na lunungu (justice) mutindu yandi. Yandi yidiká beto na mayela ya kulongoka bandinga mingi, na kusepela na bima ya kitoko, mpe na kusepela na banzimbu. Bantu lenda sambila Nzambi mpe kukuma bandiku ya yandi, kima yina bibulu lendá sala ve.

6. Na bima nyonso yina Nzambi yidiká, kaka bantu yandi yidiká na kifwani ya yandi

Yehova yidiká ve bantu faso bibulu. Tanga Kubanda 1:26, mpe na manima beto zonzila kyuvu yayi:

• Beto bantu ke lakisá luzolo mpe ntima ya kyadi. Samu Nzambi yidiká beto na kifwani ya yandi, yinki ya ke na longá beto na yina me tadila Nzambi?