Biblia ke zonzá ti, luzingu ya bantu ke ‘nkufi mpe ke ya kufuluka na bampasi.’ (Yobi 14:1) Nzambi me zola kwandi ti luzingu ya beto vanda faso yayi? Yinki yandi me kanisa samu na beto? Yandi ke lungisa kwandi dikanisi yina? Beto tala bamvutu yina Biblia me pesa na byuvu yayi.

1. Wapi mutindu ya luzingu Yehova me zola samu na beto?

Yehova zola beto vanda na luzingu ya mbote. Ntangu Yehova yidiká Adami na Eva, yandi tulá bawu na paradiso, kisika mosi ya kitoko mingi. Na manima, “Nzambi sakumunaka bawu, mpe yandi tubilaka bawu ti: ‘Beno buta mingi mpe beno kuma mingi, beno fulusa ntoto mpe beno yala yawu.’” (Kubanda 1:28) Yehova zolá ti ba buta bana, ba kumisa ntoto paradiso, mpe ba kipe bibulu. Luzolo ya Yehova vandá ti bantu nyonso vanda na mavimpi (santé) ya kulunga mpe zinga ntangu nyonso.

Ata ti bamambu salamá ve mutindu Yehova zolá,a dikanisi ya yandi me soba ve. (Izaya 46:10, 11) Banda ntama tii bubu yayi, dikanisi ya yandi kele ti bantu yina ke tumamá na yandi, vanda na luzingu ya kitoko mpe zinga ntangu nyonso.—Tanga Luzabusu 21:3, 4.

2. Wa’ faso beto lenda vanda na luzingu ya kilengi bubu yayi?

Yehova yidiká beto na nsatu ya “kuwaka Mambu ya Nzambi mpe ya kusadilaka yawu.” Ya zola zonza ti bantu nyonso ke na nsatu ya kuzaba Nzambi, mpe ke na nsatu ti Nzambi twadisa luzingu ya bawu. (Tanga Luke 11:28.) Yandi zola ti beto vanda na bundiku ya ngolo na yandi, “kutambula na banzila ya yandi nyonso, kuzola yandi,” mpe kusadila yandi “na ntima ya beto nyonso.” (Kulonga Misiku 10:12; Nkunga 25:14) Ntangu beto ke sala yawu, beto ke vanda kaka na kilengi ata na kati ya bampasi. Kaka ni kusadila Yehova mpe kulanda misiku ya yandi ke pesá kilengi na luzingu ya beto.

3. Yehova zola ti bantu vanda na luzingu ya kitoko

Tala VIDEO, mpe na manima beto zonzila kyuvu yina ke landa.

VIDEO: Samu na yinki Nzambi yidiká ntoto?—Ndambu (1:41)

• Samu na yinki Nzambi yidiká ntoto kitoko faso yayi?

Tanga Longi 3:11, mpe na manima beto zonzila kyuvu yayi:

• Yinki ya ke na longá nge na yina me tadila Yehova?

4. Dikanisi ya Yehova samu na beto me soba ve

Tanga Nkunga 37:11, 29 na Izaya 55:11, mpe na manima beto zonzila kyuvu yayi:

• Wa’ faso beto me zaba ti dikanisi ya Yehova samu na beto me soba ve?

5. Kusadila Yehova ke bongisá luzingu ya beto

VIDEO: Mu kwizá zaba samu na yinki Nzambi yidiká beto (5:03)

• Wapi bambote Terumi kuzwá ntangu yandi zabá samu na yinki Nzambi yidiká beto?

Tanga Longi 12:13, mpe na manima beto zonzila kyuvu yayi:

• Yehova salá mingi samu na beto. Yinki beto me bonga kusala samu na kuvutula yandi matondo?

NA BUNKUFI

Yehova zola beto sepela na luzingu ya ntangu nyonso awa na zulu ya ntoto. Kana beto sadila yandi na ntima mosi, kubanda bubu yayi beto ke vanda na kilengi na luzingu.

Mambu ya kusimba

• Wapi mutindu ya luzingu Yehova zolá samu na Adami na Eva?

• Wa’ faso beto me zaba ti dikanisi ya Yehova samu na bantu me soba ve?

• Yinki nge lenda sala samu na kuvanda na kilengi ya tsyeleka na luzingu ya nge?

SOSA KUZABA DYAKA

Tala yinki ke na lakisá ti paradiso vandá na ntoto.

“ Le jardin d’Éden—Un mythe ? ” (La Tour de Garde, 1^er Janvier 2011)

Tala yinki ke na lakisá ti ntoto ke vanda kaka ntangu nyonso.

“Ntoto nyonso ke mwangana kwandi?” (Tanga yawu na jw.org)

Tala yinki Biblia ke zonzá na faso nge lenda kuzwa kilengi na luzingu ya nge.

“Samu na yinki beto kele awa na ntoto?” (Tanga yawu na jw.org)

Tala disolo ya bakala mosi yina vandá na bimvwama mingi, kasi yandi kwizá tala ti yandi vandá ve na kima mosi ya kulutila mfunu na luzingu ya yandi.

Bubu yayi mu ke na luzingu ya kufuluka na kilengi (3:55)

2. Nani ke yala na Yesu?

Yesu ke yala ve yandi mosi. Bantu yina me katuka na “[. . .], bandinga nyonso, makanda nyonso mpe bayinsi nyonso . . . ke yala yinza nyonso.” (Luzabusu 5:9, 10) Bantu yikwa ke yala na Yesu? Banda ntangu yina Yesu kwizá na ntoto, bantu mingi ke na kumá bilandi ya yandi. Kasi, kaka 144 000 na kati ya bawu ke kwenda na zulu samu na kuyala na Yesu. (Tanga Luzabusu 14:1-4.) Bakristo nyonso ya nkaka ke kuzwa bambote ya kimfumu ya Nzambi awa na ntoto.—Nkunga 37:29.

Kimfumu ya Nzambi ke na kuyalaka. Ntangu fioti me bikana, ya ke bongisa bamambu na zulu ya ntoto. Na yawu, beto zonzila bambote yina kimfumu ya Nzambi ke nata na ntoto.

1. Wapi mutindu kimfumu ya Nzambi ke vutula kizunu mpe lunungu na zulu ya ntoto?

Yesu, mfumu ya kimfumu ya Nzambi, ke kufwa bantu ya yimbi na baluyalu ya bantu na mvita ya Armagedoni. (Luzabusu 16:14, 16) Na ntangu yina, nsilulu yayi ke lungana mbote-mbote: “Ntangu fioti kaka me bikana, bantu ya yimbi ke vanda dyaka ve.” (Nkunga 37:10) Na nzila ya kimfumu, Yesu ke fulusa ntoto na kizunu mpe lunungu.—Tanga Izaya 11:4.

2. Wa’ faso luzingu ke vanda ntangu luzolo ya Nzambi ke salama na zulu ya ntoto?

Ntangu kimfumu ya Nzambi ke yala, “bantu ya lunungu ke baka ntoto mpe ba ke zinga ntangu nyonso na zulu ya yawu.” (Nkunga 37:29) Kanisa wa’ faso luzingu ke vanda na zulu ya ntoto ntangu bantu nyonso ke vanda ya kulunga, ke zola Yehova mpe ke zola bampangi ya bawu! Ata muntu ke kubwa dyaka maladi, mpe bantu nyonso ke zinga ntangu nyonso.

3. Yinki kimfumu ya Nzambi ke sala na manima ya kufwa bantu ya yimbi?

Na manima ya kufwa bantu ya yimbi, Yesu ke yala bamvula 1 000. Na ntangu yina, yandi na ba 144 000 yina ke yala na yandi, ke sadisa bantu na zulu ya ntoto na kukuma na nzutu yina ke vanda dyaka ve na masumu. Na nsuka ya luyalu ya Yesu, ntoto nyonso ke kuma paradiso, mpe bantu nyonso ke vanda na kilengi samu ba ke tumamá na Yehova. Na manima, Yesu ke vutula kimfumu na Tata ya yandi, Yehova. Na ntangu yina nkumbu ya Nzambi, Yehova “ke vanda ya Santu” na mutindu yina ya vandá nabunu ya salama. (Matayi 6:9, 10, nwt-MK) Ya ke talana pwelele ti ni Yehova kele mfumu ya kulutila mbote, yina ke kipeke bantu yina ke na yisi ya luyalu ya yandi. Yehova ke kufwa Satana, bambazi ya yimbi, mpe ba yina nyonso ke soola kutumama ve na kimfumu ya yandi. (Luzabusu 20:7-10) Mambu nyonso ya mbote yayi yina kimfumu ya Nzambi ke nata na ntoto, ke vanda samu na ntangu nyonso.

SOSA KUZABA MBOTE-MBOTE

4. Kimfumu ya Nzambi ke kufwa baluyalu ya bantu

“Muntu ke na yalaka muntu samu na kutalisa yandi mpasi.” (Longi 8:9) Na nzila ya kimfumu, Yehova ke yidika yimbi nyonso yina muntu ke na salá na mpangi muntu.

Tanga Danyele 2:44 na 2 Batesalonika 1:6-8, mpe na manima beto zonzila byuvu yayi:

• Yinki Yehova na mwana ya yandi, Yesu, ke sala na ba yina ke na yalá bubu yayi, mpe na ba yina ke nwaniná lutumu ya bawu?

• Wa’ faso mambu yina nge me longoka na yina me tadila Yehova na Yesu ke na ndimisá nge ti nyonso yina ba ke sala ke vanda ya kulunga?

5. Yesu ke mfumu ya kulutila mbote

Yesu ke nata bambote mingi na bantu yina yandi ke yala. Tala VIDEO samu na kutala ti na ntama, Yesu lakisá ti yandi me zola mpe yandi ke na ngolo yina Yehova pesá yandi, samu na kusadisa bantu.

VIDEO: Yesu lakisá mambu yina kimfumu ya Nzambi ke lungisa (1:13)

Ntangu Yesu vandá na ntoto, yandi lakisá bifwani ya bamambu yina kimfumu ya Nzambi ke lungisa. Na bambote nyonso yina beto ke zonzila, wapi yina nge me zola mingi ti ya salama? Na yawu, tanga baverse yina ba me pesa awa.

6. Luzingu ke vanda kitoko na yisi ya kimfumu ya Nzambi

VIDEO: Faso luzingu ke vanda na bilumbu yina ke kwiza (4:38)

Tanga Nkunga 145:16, mpe na manima beto zonzila kyuvu yayi:

• Yinki ya ke na salá nge na kuzaba ti Yehova ke lungisa “bansatu ya konso kima yina ke na luzingu”?

NA BUNKUFI

Kimfumu ya Nzambi ke lungisa luzolo ya Nzambi. Yandi ke kumisa ntoto nyonso paradiso, kisika yina bisadi ya Yehova ke zinga ntangu nyonso.

Mambu ya kusimba

• Wa’ faso kimfumu ya Nzambi ke kumisa nkumbu ya Nzambi santu?

• Samu na yinki beto lenda vanda na kiminu ti, kimfumu ya Nzambi ke lungisa bansilulu nyonso ya Biblia?

• Na bamambu nyonso yina kimfumu ya Nzambi ke lungisa, wapi yina nge ke na sosá ya salama na mbangu?

SOSA KUZABA DYAKA

Tanga yinki zola zonza Armagedoni.

“Armagedoni kele yinki?” (Tanga yawu na jw.org)

Tala bamambu yina ke salama na ntangu yina Yesu bokilaka “mpasi ya nene.”—Matayi 24:21.

“Mpasi ya nene ke yinki?” (Tanga yawu na jw.org)

Tala faso dikanda mosi ke na kanisá na luzingu yina ba ke vanda na yawu na paradiso.

Kanisa ti nge ke na paradiso (1:50)

Na disolo “ J’étais tourmenté par de nombreuses questions, ” tala muntu mosi yina vanda sosa kusoba bamambu na kati ya politique, kuzwá bamvutu na byuvu ya yandi.

“ La Bible transforme des vies ” (La Tour de Garde, 1^er Janvier 2012)