5. Nunga mambu nyonso yina lenda kanga nge nzila na kuzwa mbotokolo

Ntangu beto ke baká mukanu ya kukipesa na Yehova mpe ya kuzwa mbotokolo, beto nyonso ke kutaná na bakwamusu. Samu na kutala mosi ya bifwani, tala VIDEO, mpe na manima beto zonzila byuvu yina ke landa.

VIDEO: Luzolo samu na Yehova ke nungá mambu nyonso yina lenda kanga beto nzila (5:22)

• Na video, wapi bamambu Narangerel zolá nunga samu na kusadila Yehova?

• Wa’ faso luzolo samu na Yehova sadisaka yandi na kununga bamambu yango?

Tanga Bingana 29:25 na 2 Timote 1:7, mpe na manima beto zonzila kyuvu yayi:

• Yinki ke pesa beto ngolo ya kununga mambu nyonso yina lenda kanga beto nzila na kusadila Yehova?

Samu na kuyidama na bankwamusu, beto me lunga kukumisa ngolo kiminu ya beto na Yehova kubanda bubu yayi. Ni na yawu, beto zolá baka ntangu ya kusambilá mpe ya kutangá Biblia bilumbu nyonso. Beto me lunga mpe kuvanda na balukutakanu nyonso. Bamambu nyonso yayi ke pesa nge ngolo ya kununga bankwamusu na bukindi nyonso, ata ti ya ke na katuká na bantu ya dikanda ya nge. Ni na yawu ntumwa Polo, yina vanda kutaná na bankwamusu ntangu nyonso, soniká: “[Yehova] kele kisadisi ya munu, mu ke vanda ve na boma ya kima.”—Baebre 13:6.

Kima ya nkaka yina ke sala ti beto vanda na bukindi na mantwala ya bankwamusu ni kisalu ya kusamuná ntangu nyonso. Kisalu ya kusamuna ke sadisa beto na kukumisa ngolo kiminu ya beto na Yehova mpe na kununga boma ya bantu. (Bingana 29:25) Kana nge kulisa bukindi ya nge na kisalu ya kusamuna kubanda bubu yayi, ya ke sala ti nge bika ve ata fioti kusamuna ata ntangu bamfumu ya bwala ke nimina kisalu ya beto ya kusamuna.—1 Batesalonika 2:2.