2. Samu na yinki ya ke mbote na kuzaba matsyeleka na yina me tadila lufwa?

Bantu mingi ke na boma ya lufwa—mpe ya bantu ya kufwa! Kasi mambu yina Biblia ke zonzá samu na lufwa lenda katula nge boma. Yesu zonzá: “Butsyelika ke pesa beno kimpwanza.” (Yoane 8:32) Mabuundu mingi ke zonzá ti na manima ya lufwa, kima mosi ke basiká na nzutu ya beto, mpe ke kwendá zinga kisika ya nkaka. Kasi ni yina ve Biblia ke longá. Biblia ke longá ti, ata muntu ke talá mpasi na manima ya lufwa. Na yawu, samu bantu ya kufwa zaba ve ata kima, ba lenda talisa ve beto mpasi. Beto ke ve na nsatu ya kusambila bantu ya kufwa to kusala mambu yina ke sala ti ba talisa ve beto mpasi.

Bantu ya nkaka ke zonzá ti ba lenda solola na bantu ya kufwa. Kasi ya lenda salama ata fioti ve. Mutindu beto me longoka yawu, bantu ya kufwa, “ke zabá ata kima ve.” Beto simba mpe ti, bambazi ya yimbi ke na makoki ya kulanda ndinga, kubaka kizizi ya muntu yina kufwá mpe kubasikila bantu. Na yawu, bantu yina ke kanisá ti ba ke sololá na bantu ya kufwa, ntangu ya nkaka ke sololá ni na bambazi ya yimbi. Na yawu, kuzaba matsyeleka samu na lufwa, ke sadisa beto na kuvanda ntama na bambazi ya yimbi. Yehova ke niminá beto na kusosa kusolola na bantu ya kufwa, samu yandi zaba ti kana beto sala yawu, bambazi ya yimbi ke sala beto yimbi.—Tanga Kulonga Misiku 18:10-12.

4. Bambote ya kuzaba matsyeleka na yina me tadila lufwa

Kuzaba matsyeleka samu na lufwa, ke katulá beto boma ya bantu ya kufwa. Tanga Longi 9:10, mpe na manima beto zonzila kyuvu yayi:

• Bantu ya kufwa lenda talisa kwandi beto mpasi?

Kukwikila na matsyeleka ya Biblia ke bumbá beto na kusambila ve bantu ya kufwa to na kuvanda ve na boma ya bawu. Tanga Izaya 8:19 na Luzabusu 4:11, mpe na manima beto zonzila kyuvu yayi:

• Samu na nge, yinki ya ke salá Yehova ntangu bantu ke sambilá bantu ya kufwa to ke sosá ba sadisa bawu?