1. Nkumbu ya Nzambi ya tsyeleka ke nani? Yinki ke na lakisá ti yandi zola beto zaba yawu?

Na kati ya Biblia, Nzambi me zabisa beto nkumbu ya yandi. Yandi me zonza: “Munu kele Yehova. Yayi ni nkumbu ya munu.” (Tanga Izaya 42:5, 8.) Na ndinga ya Hébreu, nkumbu “Yehova” zola zonza, “Muntu yina ke kumisaka.” Yehova zola beto zaba nkumbu ya yandi. (Kubasika 3:15) Yinki me lakisa yawu? Na kati ya Biblia, yandi me tula nkumbu yango bambala kuluta 7000!a “Yehova” ke nkumbu ya “Nzambi ya tsyeleka na zulu mpe na ntoto.”—Kulonga Misiku 4:39.

2. Wa’ faso beto me bonga kusambila Yehova?

Beto me bonga kuzola mpe kusambila kaka Yehova samu ti ni yandi yidikaka beto. (Luzabusu 4:11) Na yawu, beto zolá sadila ve biteki to bima ya nkaka samu na kusambila yandi.—Tanga Izaya 42:8.

Faso ya beto ya kusambila me bonga kuvanda “ya santu mpe yina Yehova ke ndimaka.” (Baroma 12:1, nwt-MK) Ya zola zonza ti beto zolá tumama na misiku ya yandi. Na kifwani, ba yina ke zolá Yehova ke tumamá na misiku yina me tadila makwela, mpe ke losá bima ya yimbi faso tabaka, cigarette, dyamba mpe kunwa malafu mingi.a