1-2. Yinki ange mosi zonza’a na bakento ntangu ba kuma’a na tombo, mpe yinki Yesu yandi mosi zonza’a na bawu?

NA SUKA ya 16 Nisan (kalendrie ya bajwif) ya mvula 33 N.B. (Ntangu ya Beto), na mawa na ntima, bakento yina zola’a Nzambi kwenda’a na tombo ya Yesu, bilumbu tatu na manima ya lufwa ya yandi. Ba kwenda’a samu na kutula mafuta na mvumbi ya Yesu, kasi ba pamuka’a ntangu ba tala’a ti, mvumbi vanda dyaka ve kuna! Ange mosi zonza’a na bawu ti, Yesu me vumbuka na lufwa. Yandi bwela’a: “Yandi me tekila na Galile. Ni kuna beno ke tala yandi.”—Mat. 28:1-7, nwt-MK; Luke 23:56; 24:10.

⁴ Yesu zola ti, bilandi ya yandi nyonso sala kisalu ya predikasion. Na mongo ya Galile, Yesu pesa’a ve musiku yayi kaka na ba-apotre 11 yina vanda’a na yandi. Wapi faso beto me zaba yawu? Samu ti, bantu ya nkaka vanda’a kuna. Yinki ke na lakisaka yawu? Beto zimbana ve mambu yina ange zonza’a na bakento: “Ni [na Galile] beno ke tala yandi.” Ya me lakisa ti, bakento yayi mpe, vanda’a na lukutakanu yango. Kasi, ya me suka ve kaka kuna. Apotre Paul zonza’a dyaka ti Yesu “talana’a mpe na bampangi kuluta 500, yina vukana’a kisika mosi.” (1 Ko. 15:6) Na wapi kisika Yesu vukana’a na bilandi 500 yango?