• Nge ke bika kima nata nge na kulanda dyaka ve Yesu?
    Yinzo ya Kengidi (Numero ya kulongoka)—2021 | mai

    • 3) YESU LANDÁ VE BA-COUTUME YA BAJWIF

      Bantu mingi mangá Yesu samu yandi mangá kulanda ba-coutume ya bawu. Wa’ faso bamambu ya faso yayi lenda nata ba ya nkaka na kumanga beto bubu yayi? (Tala paragrafe 13)d

      13. Yinki salá ti bantu mingi manga Yesu?

      13 Na ntangu ya Yesu, badisiple ya Jean batis te pamuká na kutala ti, badisiple ya Yesu vandá kotá ve jeûne. Yesu zonzá ti ba vandá ve na rezon ya kukota jeûne ntangu yandi vandá ntete na bawu. (Mat. 9:14-17) Ata faso yina, Bafarizien na ba-enemi ya nkaka ya Yesu, kondaneke bawu samu ba vandá landa ve ba-coutume ya bawu. Ba vandá na vrai kolere, ntangu Yesu belusá muntu yina vandá maladi kilumbu ya saba. (Mrk. 3:1-6; Yoa. 9:16) Ata ba vandá sosa kulakisa na bantu nyonso ti ba vandá pesa buzitu na kilumbu ya saba, kasi ya vandá sala bawu ata kima na kusala komerse na kati ya temple. Ba dasuká mingi ntangu Yesu lakisá ti mambu yina ba vandá sala vandá yimbi. (Mat. 21:12, 13, 15) Ba yina Yesu precheke na sinagoge ya Nazareth mpe, kumá na vrai kolere ntangu yandi sadilá ekzample mosi ya istware ya Izrael, samu na kulakisa ti ba vandá na vrai munimi mpe ba vandá ve na kiminu. (Luke 4:16, 25-30) Bantu mingi mangá Yesu, samu yandi vandá sala ve bamambu yina ba vandá zola yandi sala.—Mat. 11:16-19.

      14. Samu na yinki Yesu kondaneke ba-coutume yina Biblia vandá lakisa ti ya ke yimbi?

      14 Yinki Biblia zonzá? Yehova zonzá na profete Izaya: ‘Bantu yayi ke kwizá pene-pene na munu kaka na yinwa mpe ba ke pesá munu nkembo kaka na bikoba, kasi ntima ya bawu ke ntama na munu. Mpe boma yina ba ke na yawu samu na munu, ke ya kuvanda kaka na zulu ya misiku ya bantu, yina ba longá bawu.’ (Iza. 29:13) Yesu vandá na rezon ya kukondane ba-coutume yina Biblia vandá lakisa ti ya ke yimbi. Ba yina kanisá ti misiku mpe ba-coutume ya bantu lutilá important na mambu ya Biblia, mangá mpe Yehova na Masiya yina yandi filisá.

  • Nge ke bika kima nata nge na kulanda dyaka ve Yesu?
    Yinzo ya Kengidi (Numero ya kulongoka)—2021 | mai

    • 4) YESU CHANJEKE VE GUVERNEMENT

      Bantu mingi mangá Yesu samu yandi vandá salá ve mpe kotá ve mambu ya politik. Wa’ faso bamambu ya faso yayi lenda nata ba ya nkaka na kumanga beto bubu yayi? (Tala paragrafe 17)e

      17. Na ntangu ya Yesu, yinki bantu mingi vandá vingila Masiya sala?

      17 Bantu mingi na ntangu ya Yesu, vandá na nsatu guvernement chanje. Ba vandá vingila ti Masiya katula bawu na bampasi yina Baromain vandá talisa bawu. Kasi ntangu ba sosá kutula Yesu Mfumu ya bawu, yandi mangá. (Yoa. 6:14, 15) Bapretre na bantu ya nkaka, vandá na boma ti Yesu sosa kuchanje guvernement. Na yawu, Baromain zolá dasuka mpe kukatula bawu otorite yina vandá na bawu. Samu ba vandá na basusi samu na politik ya bwala ya bawu, bajwif mingi mangá Yesu.

      18. Wapi baprofesi yina ke zonzilá Masiya bantu mingi sosá ve kuzaba?

      18 Yinki Biblia zonzá? Ata baprofesi mingi vandá zonza ti Masiya zolá dyata ba-enemi ya yandi, kasi baprofesi ya nkaka lakisá ti yandi zolá kufwa ntete samu na masumu ya beto. (Iza. 53:9, 12) Kasi, wapi dikanisi ya yimbi bajwif vandá na yawu samu na Masiya? Mingi sosá ve kutala baprofesi yina vandá lakisa ti, Masiya zolá yidika ve bamambu ya bawu na ntangu yina.—Yoa. 6:26, 27.