• Pesa kuraje na bampangi ya kento ya kimvuka
    Yinzo ya Kengidi (Numero ya kulongoka)—2020 | septembre
    • Yesu ke ya kuvanda ntangu yandi ke na precheke. Marthe na Marie ke ya kuvanda pene-pene na makulu ya yandi mpe ba ke na wá yandi. Collage: 1. Bampangi zole ya kukwela me kwiza tala mpangi mosi ya kento yina ke maladi na yinzo ya yandi. Bakala ke na zonzá na yandi na ntangu kento ya yandi ke na yidiká bima ya kudya. 2. Couple ke na kilengi ya kusala Culte familial na mpangi mosi ya kento na mwana ya yandi. 3. Mpangi ya bakala ke na sadisá bampangi zole ya kento na kuchanje pineu ya kamion ya bawu.

      Faso Yesu, beto lenda lakisa ti beto ke zolá bampangi ya kento yina ke zolá Yehova (Tala baparagrafe 6-9)e

      6. Faso beto ke na tangak’ yawu na Luke 10:38-42, wa’ faso Yesu sadisá Marthe na Marie?

      6 Yesu lutisá ntangu na bampangi ya yandi ya kento yina vandá zolá Yehova, mpe ba vandá bakamarade ya mbote samu na yandi. Beto zonzila kikamarade ya yandi na Marie na Marthe, yina ntangu ya nkaka vandá baselibatere. (Tanga Luke 10:38-42.) Faso ya Yesu ya kuzonza mpe ya kubakila bawu, salá ti, bakento yayi vandá aleze na yandi. Na kifwani, Marie vandá ve na nsoni ya kukwenda vanda pene-pene ya makulu ya Yesu, faso disiple ya yandi.c Marthe eziteke ve na kuzonza na Yesu, ntangu yandi tala ti, Marie vandá sadisa ve yandi na kulamba madya. Na okazion yina, Yesu sadisá bakento yayi na kulongoka mambu mingi ya mbote. Mpe yandi lakisá ti, yandi vandá tulá bawu na mpangi ya bawu ya bakala Lazare, na ntima ya yandi, na kukwendá talá bawu. (Yoa. 12:1-3) Na yawu, ntangu Lazare kuzwá maladi ya ngolo, Marie na Marthe zabá ti, ba lenda lomba na Yesu na kusadisa bawu.—Yoa. 11:3, 5.

  • Pesa kuraje na bampangi ya kento ya kimvuka
    Yinzo ya Kengidi (Numero ya kulongoka)—2020 | septembre

    • c Mukanda mosi yina ke salá bakomentere na mambu ya Biblia me zonza: “Badisiple vandá na kifu ya kuvandá pene-pene ya makulu ya ba yina vandá longa bawu. Ba vandá salak’ yawu ntangu ba vandá prepare bawu samu ba banda kulonga. Kasi ya vandá ve kisalu ya bakento. [. . .] Ya vanda yimbi samu na babakala mingi ya bajwif na kutala Marie ya kuvanda pene-pene ya makulu ya Yesu samu na kuwa malongi ya yandi.”