² Bamvula nyonso, beto ke vandá na kati ya bamilion ya bantu yina ke vukaná kilumbu ya lufwa ya Yesu, muntu yina beto ke zolá mingi. (1 Pi. 1:8) Beto ke vukaná samu na kukanisa na yina Yesu pesá luzingu ya yandi samu na kuvuukisa beto na disumu mpe lufwa. (Mat. 20:28) Yesu vandá na nsatu bilandi ya yandi bambukila moyo lufwa ya yandi. Na mpimpa tekila yandi kufwa, samu na madya ya nsuka yina yandi kudyá na bilandi ya yandi, yandi zonzá: “Beno sala mutindu yayi samu na kubambuka munu moyo.”—Luke 22:19.