12. Wa’ faso 1 Piere 3:18, 22, ke na sadisa beto na kuzaba ti kuvumbuka ya Yesu na lufwa vandá ve faso mosi na ba yina vumbuká avant yandi?

¹² Paul zabá na ntima ya yandi ti, ‘Yesu vumbuká na lufwa.’ Avant Yesu, bantu ya nkaka mpe vumbuká na lufwa, kasi kuvumbuka ya Yesu lutilá ya bawu nyonso. Samu na yinki? Samu ti ba yina nyonso vumbuká, kufwá dyaka. Paul zonzá ti Yesu vandá “mbuma ya ntete ya [ba] yina me fwaka.” Samu na yinki Yesu ke mbuma ya ntete? Yandi vandá muntu ya ntete yina vutuká na luzingu na nzutu ya kimpeve, mpe muntu ya ntete yina Nzambi vumbulá samu na kwenda vanda na zulu.—1 Ko. 15:20, nwt-MK; Bis. 26:23; tanga 1 Piere 3:18, 22.

16. Yinki Paul zola zonza ntangu yandi bokilá Yesu ‘mbuma ya ntete’?

¹⁶ Paul soniká ti, Yesu vumbuká na lufwa faso “mbuma ya ntete ya [ba] yina me fwaka.” Kuzimbana ve ti, bantu ya nkaka faso Lazare, vutuká mpe na luzingu na manima ya lufwa. Kasi Yesu vandá muntu ya ntete ya kuvutuka na luzingu na nzutu ya kimpeve mpe na luzingu ya ntangu nyonso. Yandi vandá faso bambuma ya ntete yina vandá basiká na bilanga, yina ba-izraelite vandá pesa na Nzambi. Dyaka, samu yandi bokilá Yesu “mbuma ya ntete,” Paul vandá lakisa ti ya ke na bantu ya nkaka na manima ya Yesu, yina ke vumbuka mpe na lufwa samu na kwenda vanda na zulu. Ba-apotre mpe bantu ya nkaka na ‘bumosi na bakristo’ ke vutuka mpe na luzingu samu na kwenda vanda na zulu faso Yesu.