• Nzambi ke sepelá kwandi na mikembo nyonso?
    Sepela na luzingu ya ntangu nyonso!—Masolo samu na kuzaba Biblia

    • Tanga Baefeze 5:10, mpe na manima beto zonzila byuvu yayi:

      • Yinki beto me fwana kuzaba mbote tekila beto baka mukanu ya kusala mukembo to ve?

      • Wapi mikembo bantu ke salá mingi kisika yina nge kele?

      • Nge me kanisa ti mikembo yina ke sepelisá Yehova?

      Na kifwani, nge me sosá kuzaba yina Nzambi ke kanisá na mikembo ya kilumbu ya kubutuka? Ata kisika na Biblia beto ke talá ti, kisadi ya Yehova ke na salá mukembo ya kilumbu ya yandi ya kubutuka. Kasi Biblia ke zonzilá mikembo zole ya kilumbu ya kubutuka ya bantu yina vanda sadilá ve Yehova. Tanga Kubanda 40:20-22 na Matayi 14:6-10. Na manima beto zonzila byuvu yayi:

      • Wapi mambu ya mutindu mosi beto ke na talá na mikembo zole yayi?

      • Na kutangá baverse yayi, nge me kanisa ti mikembo ya kilumbu ya kubutuka ke pesá Yehova kilengi to ya ke salaka yandi mpasi na ntima?

      Ata faso yina, nge lenda yufula, ‘ya ke kwandi yimbi na meso ya Yehova kana mu sala mukembo ya kilumbu ya kubutuka, to mukembo ya nkaka yina Biblia ke ndimá ve?’ Tanga Kubasika 32:1-8. Na manima, tala VIDEO mpe beto zonzila byuvu yina ke landa.

      VIDEO: Bansalulu mpe mikembo yina ke pesá ve Nzambi kilengi (5:07)

      • Samu na yinki beto me lunga kuzaba mambu yina Yehova ke ndimaka?

      • Yinki kusala samu na kuzaba yawu?

      Yinki lenda sadisa beto na kuzaba kana Nzambi ke sepelá na mukembo mosi to ve

      • Ya me katuka kwandi na Biblia? Samu na kuzaba yawu, sosa kuzaba mbote-mbote kisika yina ya me katuka.

      • Ya ke pesá kwandi lukumu yina me lunga ve na bantu, na bimvuka, to na bidimbu ya bwala? Beto ke pesá Yehova nkembo kulutila bima nyonso, mpe ke kwikilá ti kaka ni yandi lenda yidika bamambu nyonso ya yinza.

      • Bifu mpe bansalulu ya mukembo yina, ke na kwelaná kwandi na mambu ya Biblia? Beto me lunga kukatula mvindu na nzonzolo, ndyatulu mpe na makanisi ya beto.

  • Soola bansaka yina ke pesaka Yehova kilengi
    Sepela na luzingu ya ntangu nyonso!—Masolo samu na kuzaba Biblia
    • Kileso 53. Tata, mama mpe mwana ya bawu ke na talá télé mpe ke na kudyá ba popcorn.

      KILESO 53

      Soola bansaka yina ke pesaka Yehova kilengi

      Yehova ke “Nzambi yina kele ya kufuluka na kyese.” (1 Timote 1:11) Yandi zola ti beto vanda na kilengi mpe sepela na luzingu ya beto. Yandi ke talá mpe kilengi ntangu beto ke baká ntangu ya kupema mpe ya kusala bansaka yina ke pesá beto kilengi. Ni na yawu, na kileso yayi beto ke tala wapi mutindu beto lenda sadila ntangu ya beto ya kupema na mutindu yina ke pesa beto kilengi, mpe yina ke pesa Yehova kilengi.

      1. Na yinki beto me lunga kukanisa ntangu beto ke soolá bansaka?

      Yinki nge ke zolá kusala na ntangu ya nge ya kupema? Ba ya nkaka ke zolá kutanga mwa buku, kuwa banzimbu, kutala télé, to kukota na internet. Ba ya nkaka mpe ke zolá kusala bansaka kintwadi na bandiku ya bawu mutindu, kukwenda tambula bisika ya nkaka, kusakana na kati ya maza (nager), to kusala bansaka mingi ya nkaka. Ata nsaka ni nsaka beto ke zolá, beto me lunga kusala nyonso samu bansaka yina beto ke soola vanda yina “Mfumu ke zolaka.” (Baefeze 5:10) Ya ke mfunu mingi beto zaba mambu yayi samu ti, bansaka mingi yina bantu ke salá bubu yayi, ke na bamambu yina Yehova ke yinaka. Bamambu yango lenda vanda, kunwana, kuvukisa nzutu na faso ya yimbi to bunganga. (Tanga Nkunga 11:5.) Yinki lenda sadisa beto na kusoola mbote bansaka?

      Kana beto soola bandiku yina ke zolá Yehova, ba ke nata beto na kusala mambu ya mbote yina ke sadisa beto na kusoola bansaka ya mbote. Mutindu beto me longoka yawu na kileso yina me luta, “muntu yina ke tambulaka na bantu ya mayela ke kuma na mayela.” Kasi, kana beto ke zolá kulutisa ntangu na bantu yina ke zolá ve malongi ya Yehova, beto “ke suka yimbi.”—Bingana 13:20.

      2. Samu na yinki kusala keba na bantangu yikwa beto ke lutisá na bansaka?

      Ata ti bansaka yina beto me soola ke mbote, beto zolá sala keba na kulutisa ve ntangu ya kulutila na yawu. Samu ti, kana beto sala mutindu yina, beto ke kuzwa ve ntangu ya kusala bamambu ya kulutila mfunu. Ni na yawu Biblia ke lombá na beto na “kusadila mbote ntangu ya [beto].”—Tanga Baefeze 5:15, 16.

      SOSA KUZABA MBOTE-MBOTE

      Tala wapi mutindu nge lenda baka mikanu ya mbote na yina me tadila bansaka.

      3. Manga bansaka ya yimbi

      Samu na yinki beto me fwana kusala keba ntangu beto ke soolá bansaka? Tala VIDEO, mpe na manima beto zonzila byuvu yina ke landa.

      VIDEO: Wapi mutindu ya bansaka mu ke soola? (4:39)

      • Na wapi mutindu nsaka ya kunwana yina bantu vanda salá na Rome ya ntama ke mutindu mosi na bansaka mingi bubu yayi?

      • Na video, yinki Danny longoká na yina me tadila bansaka?

      Tanga Baroma 12:9, mpe na manima beto zonzila kyuvu yayi:

      • Wapi mutindu verse yayi lenda sadisa nge na kusoola bansaka?

      Wapi yina ke bamambu yina Yehova ke yinaka? Tanga Bingana 6:16, 17 mpe Bagalate 5:19-21. Na manima ya kutanga mosi na mosi ya baverse, beto zonzila kyuvu yayi:

      • Wapi mambu yina ba me zonzila na baverse yayi ke na talaná mingi na bansaka ya bubu yayi?

      Byuvu yina lenda sadisa nge na kusoola na mayela nyonso bansaka ya nge

      Yufula:

      • Wapi nsaka mu ke soola? Nsaka yango ke kwandi na mambu yina Yehova ke zolá ve na kati?

      • Bantangu yikwa ya ke baka munu? Ya ke kanga kwandi munu nzila na kusala bamambu yina me lutila mfunu?

      • Na nani mu ke sala yawu? Ya ke nata kwandi munu na kukuma pene-pene to na kulutisa ntangu mingi na bantu yina ke zolá ve Yehova?

      Kuvanda ntama na mambu yina lenda sala beto yimbi lenda bumba luzingu ya beto. Ni na yawu, beto me fwana kulosa bansaka nyonso yina lenda vanda yimbi samu na beto

      Tomabilu mosi ke na kwendá na zulu ya mongo kisika mongo me suka. Manima ya yawu ke na sosá kubwa na kati ya dibenga.

      4. Sadila ntangu ya nge na mayela nyonso

      Tala VIDEO, mpe na manima beto zonzila kyuvu yina ke landa.

      VIDEO: Wapi mambu ke baká nge ntangu mingi? (2:45)

      • Mpangi ya bakala yina beto me tala na video vanda talá ve bima ya yimbi. Kasi samu na yinki mutindu yandi vanda sadila ntangu ya yandi vandá yimbi?

      Tanga Bafilipi 1:10, mpe na manima beto zonzila kyuvu yayi:

      • Wapi mutindu verse yayi lenda sadisa beto na kuzaba bantangu yikwa beto ke lutisa na bansaka?

      5. Soola bansaka ya mbote

      Ata ti ya ke na bansaka yina ke pesá ve Yehova kilengi, kasi ya kele mpe na yina ke pesaka yandi kilengi. Tanga Longi 8:15 na Bafilipi 4:8, mpe na manima beto zonzila kyuvu yayi:

      • Wapi bansaka ya mbote nge ke zolaka?

      Collage: Bantu ya bamvula mingi ke na sepelá na bansaka ya mbote yina ba ke na salaka. 1. Mwana mosi ya kento ke na kuwá banzimbu mpe ke na salaka bizizi. 2. Bantwenya 3 ya babakala ke na bulá basket. 3. Bana zole ya babakala ke na natá vélo. 4. Mwana mosi ya fioti me yidika tomabilu ya kusakana. 5. Bakala mosi ke na siká tambour. 6. Mwana mosi ya bakala na tata ya yandi ke na bulaka ba jeux video. 7. Kento mosi ke na baká bafoto.

      Bansaka ya mbote yina lenda pesa nge kilengi kele mingi

      BANTU YA NKAKA KE ZONZAKA: “Mu lenda sala ve bamambu yina mu ke talá na télé to na internet, ata ti ya ke lakisá kunwana, kuvukisa nzutu, mpe bunganga.”

      • Wapi mvutu nge ke pesa?

      NA BUNKUFI

      Yehova zola ti beto soola bansaka ya mbote mpe beto tala kilengi na yawu.

      Mambu ya kusimba

      • Wapi yina ke bansaka bakristo me fwana kumanga?

      • Samu na yinki beto me fwana kusala keba na bantangu yikwa beto ke lutisá na bansaka?

      • Samu na yinki nge me zola kusoola bansaka yina ke pesa Yehova kilengi?

      Yina nge lenda sala

      SOSA KUZABA DYAKA

      Mambu ya kubaka mikanu na yina me tadila bansaka ke na zulu ya yintu ya nani.

      “Bambangi ya Yehova ke niminá kwandi ba films, mikanda to banzimbu ya nkaka?” (Tanga yawu na jw.org)

      Tala wapi mutindu nge lenda baka mikanu ya mbote na yina me tadila bansaka.

      “ Comment se détendre sainement ? ” (La Tour de Garde, 15 Octobre 2011)

      Tala yinki sadisá bakala mosi na kubanda kusoola bansaka ya mbote, na disolo “ J’ai même surmonté mes préjugés. ”

      “ La Bible transforme des vies ” (La Tour de Garde, 1er Février 2010)

      Tala wapi mutindu mama mosi kwizá baka mukanu ya mbote na yina me tadila bansaka yina vanda lakisa mambu yina bampeve ya yimbi ke salaka.

      Manga bansaka yina ke lakisá bansalulu ya bampeve ya yimbi (2:02)