2. Wapi yina ke faso ya mbote ya kutadila mbongo?

Ata ti Biblia ke zonzá ti “mbongo ke bumbisaka,” kasi ya ke kebisá beto mpe ti mbongo yawu mosi kaka, lenda pesa ve beto kilengi. (Longi 7:12) Biblia ke lombá beto na kuvanda ve na luzolo ya mbongo, kasi ya ke zonzá na beto: “beno yangalala na bima yina ke na beno.” (Tanga Baebre 13:5.) Ntangu beto ke talá kilengi na yina ke na beto, beto ke fuluka ve na manyongi ya kukanisa ti beto ke ve na nyonso yina me lunga samu na luzingu. Beto ke vanda mpe ve bantu ya bamfuka. (Bingana 22:7) Ya ke sadisa beto na kubwa ve na mitambu ya bansaka (jeux) ya mbongo, mpe kuzwa bisalu to makanisi ya kusosa bimvwama na mbangu-mbangu.

5. Kusepela na yina ke na beto ke natina beto bambote

Bantu mingi ke sosá kuzwa mbongo ya kulutila. Kasi Biblia ke lombá beto na kusala ve faso yina. Tanga 1 Timote 6:6-8, mpe na manima beto zonzila kyuvu yayi:

• Yinki Biblia ke na lombá beto na kusala?

VIDEO: Beto “Sepela na bima yina beto ke na yawu” (3:20)

• Ata ti ba ke ve na mbongo, yinki ke na salá ti makanda yayi vanda na kilengi?

Yinki lenda kumina beto kana beto ke na mbongo, kasi beto ke na sosá kaka kubwela? Yesu pesá kifwani samu na kulakisa ti kusala mutindu yina ke yimbi. Tanga Luke 12:15-21, mpe na manima beto zonzila kyuvu yayi:

• Yinki nge me longoka na kifwani yina Yesu me pesa?—Tala verse 15.

Tanga mpe fwanisa mambu yina ke na Bingana 10:22 mpe yina ke na 1 Timote 6:10. Na manima beto zonzila byuvu yayi:

• Samu na nge, yinki me lutila mfunu: Kuvanda na kindiku na Yehova to kuvanda na mbongo mingi? Samu na yinki nge me zonza faso yina?

• Wapi bamambu ya mpasi lenda kumina beto kana beto ke sosá ntangu nyonso na kubwela na mbongo yina beto ke na yawu?