• Banani kele bambazi mpe yinki ba ke salaka?
    Sepela na luzingu ya ntangu nyonso!—Masolo samu na kuzaba Biblia

    • 2. Nani ke Satana mpe banani kele bambazi ya yimbi?

      Bambazi ya nkaka kangamá ve na Yehova. Mbazi ya ntete yina balukilá Yehova “ba ke bokilaka yandi Dyabulu [mpe] Satana, yina ke vunaka bantu nyonso.” (Luzabusu 12:9) Satana vanda sosa kuyala, na yawu yandi vuná bantu ya ntete Adami na Eva. Na manima yandi natá mpe bambazi ya nkaka na kubalukila Yehova. Biblia ke bokilá bawu bambazi ya yimbi to bampeve ya yimbi (démons). Yehova bingisá bawu na zulu mpe losá bawu na ntoto. Ntama mingi ve yandi ke kufwa bawu.—Tanga Luzabusu 12:9, 12.

      3. Wapi mutindu Satana na bambazi ya yimbi ke sosá kuvuna beto?

      Satana na bambazi ya yimbi ke sosá kuvuna bantu. Na yawu, ba ke bumbaná na manima ya bunganga mpe bansalulu ya mutindu na mutindu samu na kunata bantu na kusolola na bawu, mpe kuwa bawu. Kasi ba yina ke salá bansalulu yayi ke zabá ve ti ni bambazi ya yimbi ke na manima ya yawu. Na kifwani, samu na kuzaba mambu ya luzingu ya bawu, bantu mingi ke kwendá talá ba yina ke sadilá bambwetete, ba yina ke tangá banzila ya maboko, ba yina ke bangulá bandosi, ba yina ke talá bamambu, mpe ba yina ke sadisaka. Ya ba nkaka ke kwendá na bizinga to ke salá bakisi samu na kubeluka. Ba ya nkaka, Satana na bambazi ya yimbi ke natá bawu na kundima ti ba lenda solola na bantu ya kufwa.a Kasi Yehova me kebisa beto: “Kukwenda ve na bantu yina ke sololá na bantu ya kufwa, mpe kuwa ve bantu yina ke zabisá bantu ya nkaka mambu yina ke kumina bawu.” (Balevi 19:31) Yandi me kebisa beto samu na kubumba beto na yimbi yina Satana na bambazi ya yimbi ke salaka. Ba ke bambeni (ennemis) ya Yehova, mpe me zola kusala beto yimbi.

  • Kimfumu ya Nzambi ke na yalaka!
    Sepela na luzingu ya ntangu nyonso!—Masolo samu na kuzaba Biblia

    • 2. Wapi bamambu mpe wapi mavanga ke na lutá na yinza banda 1914?

      Bilandi ya Yesu yufulaka yandi: “Wapi ntangu mambu yina ke salama mpe wapi kidimbu ke lakisa mvwandulu ya nge mpe bilumbu ya nsuka ya yinza?” (Matayi 24:3, nwt) Yesu vutulá bawu ti, mambu mingi zolá salama na manima ya ntangu yina yandi zolá banda kuyala na zulu, na kimfumu ya Nzambi. Na kati ya bamambu yango, zolá vanda na ba guerres, bansatu, kuningana ya ntoto na bisika mingi. (Tanga Matayi 24:7.) Biblia zonzá mpe ti, mavanga ya bantu na “bilumbu ya nsuka” ke sala ti “bampasi ke lutila” na luzingu. (2 Timote 3:1-5) Nyonso yayi ke na salamá ya kulutila na yinza banda 1914.

      3. Samu na yinki bamambu ke na kumá kaka yimbi banda ntangu yina kimfumu ya Nzambi ke na yalaka?

      Ntangu fioti na manima ya kukuma Mfumu ya kimfumu ya Nzambi, Yesu nwaná na zulu na Satana mpe na bambazi ya yimbi. Yesu nungá bawu. Biblia ke zonzá ti “ba losaka [Satana] na ntoto kintwadi na bambazi ya yandi.” (Luzabusu 12:9, 10, 12) Satana ke na nkele mingi, samu yandi zaba ti kaka ntangu fioti me bikana, ba ke kufwa yandi. Ni na yawu, yandi ke na salaka yimbi na zulu ya ntoto nyonso na faso ya kulutila. Ni yina me sala ti yinza beba mingi! Kasi ntangu fioti kaka me bikana, kimfumu ya Nzambi ke katula bampasi nyonso yayi.