Faso bileso ya Biblia yayi lenda sadisa nge mbote-mbote

Mutindu ya ke na talanaka na mukanda

Longoka yawu na mosi ya Bambangi ya Yehova: Lomba na muntu yina me pesa nge mukanda yayi na kulongoka Biblia na nge, to kota na site ya beto jw.org.

KITINI YA NTETE

Tanga paragraphe mosi na mosi. Byuvu (A) na baverse (B) yina ke na ndombe ya ngolo ke na lakisá makanisi yina beto zolá simba. Baverse ya nkaka, ba me sonika “tanga.”

KITINI YA ZOLE

Ba phrases ya ntete (C) na kitini Sosa kuzaba mbote-mbote, ke na zonzilá mambu yina ke landa. Ba sous-titres (D) ke na zonzilá mambu yina beto zolá zimbana ve. Tanga baverse na mulongi ya nge, pesa bamvutu na byuvu, mpe tala bavideo (E).

Sadila mbote-mbote bizizi na bisoni yina ke na yinsi ya yawu (F), mpe kanisa na bamvutu yina nge lenda pesa na kitini Bantu ya nkaka ke zonzaka (G).

F na G mpe, ke na kati ya kitini ya zole ya kileso.

KITINI YA TATU

Kileso ke manisa na bitini Na bunkufi mpe Mambu ya kusimba (H). Sonika kilumbu yina kileso me manisa. Na kitini Yina nge lenda sala (I) ke na mambu yina nge lenda sala na manima ya kileso. Na kitini Sosa kuzaba dyaka (J) ke na mambu ya nkaka yina nge lenda tala to yina nge lenda tanga.

H, I, na J ke na kati ya kitini ya nsuka ya kileso.

A, B, na C ke na kati ya paje mosi ya Biblia.

Faso nge lenda kuzwa baverse ya Biblia

Biblia ke na babuku mingi ya fioti; ya ke mpe ya kukabuka na bikapu mpe baverse. Nombre ya ntete yina ke landa nkumbu ya buku ya Biblia (A), ke kikapu (B). Nombre yina ke kwiza na manima ke verse to baverse (C). Na kifwani, Yoane 17:3 zola zonza buku ya Yoane, kikapu 17, verse 3.