Banani ke bandiku ya nge na internet?

Ndiku ni “muntu yina me kangama na muntu ya nkaka samu ba ke zolanaka.” Na kifwani, Yonatani na Davidi kumá na kindiku ya ngolo ntangu Davidi kufwá Goliati. (1Sa 18:1) Mosi na mosi na bawu zole lakisá bifu ya mbote, yina ke sala ti ba ku na kindiku ya ngolo. Bantu ke kuma na kindiku ya ngolo kana ba me zabana mbote-mbote. Samu na kuzaba muntu ya nkaka, ya ke lombá ntangu mpe bangolo. Kasi na internet bantu ke ve na nsatu ya kusala bangolo samu na kukuma “bandiku,” ya ke lomba kaka beto nyema kisika ba me sonika “ajouter ami.” Na internet bantu ke bumbá kimuntu ya bawu, ba ke yidiká mbote-mbote mambu yina ba ke zonza. Mpe ba ke solá bima ya kutula samu bantu ya nkaka tala ti ba ke bantu ya mbote. Kasi ya ke mbote na kubaka ntangu ya kukanisa na faso ya bantu yina nge ke ndima ba vanda bandiku ya nge. Kana muntu mosi yina nge me zaba ve me lomba nge kindiku na internet, kuvanda ve na boma ya kumanga kukuma ndiku ya yandi kaka samu ya ke sala yandi mpasi. Samu na kukima bamambu ya yimbi yina ba lenda kutana na internet, bantu ya nkaka me mangá kusadila yawu. Kasi, kana nge me baka lukanu ya kusadila internet, yinki nge me lunga kubumba na yintu?

LUTISA VIDEO VANDA MAYELE NTANGU NGE KE SOLOLÁ NA BANTU NA INTERNET, NA MANIMA YUFULA BYUVU YAYI:

• 

  Yinki nge me lunga kutadila ntete tekila nge sonika mambu to kutula ba-photo na internet?

• 

  Samu na yinki nge me lunga kusola mbote bandiku ya nge na internet?

• 

  Samu na yinki nge me lunga kutadila mbote-mbote bantangu yina nge ke lutisá na internet?—Ef 5:15, 16