Makwela—samu na luzingu nyonso

Ntangu makwela ya bakristo ke simbá, ya ke pesá lukumu na Yehova mpe ke natá kilengi mingi na kento mpe na bakala. (Mrk 10:9) Samu na kuzwa makwela ya kilengi mpe ya ntangu nyonso, bakristo me fwana kulanda malongi ya Biblia ntangu ba ke solá muntu yina ba ke kwela.

Ya ke vanda mbote na kusosa ve kuzabana na muntu samu na makwela kana nabunu nge ‘lutisa kubanda ya buntwenya,’ ntangu yina bansatu ya kuvukisa nzutu ke vandá ngolo mpe ke bebisá faso ya kutadila bamambu. (1Ko 7:36) Bantangu yina nge ke ntete ve ya kukwela, sadila yawu na faso ya mbote samu na kukumisa kindiku ya nge na Yehova ngolo mpe na kukulisa bifu ya mbote. Na bilumbu yina ke kwiza, nge ke vanda ya kuyindama samu na kuzwa makwela yina ke simba.

Tekila na kundima kukwelana na muntu, baka ntangu yina me lunga samu na kulongoka kuzaba ‘kitoko ya kati ya ntima.’ (1Pi 3:4) Kana nge ke na maketi-keti solola na muntu yina beno ke na zabaná samu na makwela. Mutindu budinku nyonso, na makwela kusosa ve kaka kukanisa na bansatu ya nge kasi kanisa mpe na bansatu ya mpangi. (Flp 2:3, 4) Kana nge landa malongi ya Biblia tekila nge kwela, makwela ya nge ke vanda kisiki mosi ya kilengi.

LUTISA VIDEO YIDAMA SAMU NA MAKWELA—KITINI 3: ‘KANISA NA LUTANGU YA MBONGO YINA NGE KE BASISA,’ MPE NA MANIMA YUFULA BYUVU YAYI:

• Wapi mutindu kindiku ya Shane na mpangi mosi ya kento kulaka?

• Yinki mpangi ya kento yayi me tala ntangu kindiku ya bawu vandá kula?

• Wapi mutindu bibuti ya yandi sadisak’ yandi, mpe wapi lukanu yandi baká na mayela nyonso?