KILESO 36

Vanda muntu ya matsyeleka na mambu nyonso

Mutindu ya ke na talanaka na mukanda

Muntu nyonso ke zolá ti bandiku ya yandi vanda bantu yina ke zonzá kaka matsyeleka. Yehova mpe ke zolá ti bandiku ya yandi vanda bantu yina ke zonzá kaka matsyeleka. Kasi ya ke mpasi na kuvanda kaka muntu ya matsyeleka, na kati ya yinza yina bantu mingi me zaba kaka kuvuna. Wapi yina ke bambote ya kuvanda muntu ya matsyeleka na mambu nyonso?

1. Samu na yinki ya ke mfunu na kuvanda bantu yina ke zonzá ve luvunu?

Ntangu beto ke zonzá kaka matsyeleka to ke vuná ve bampangi, beto ke lakisá na Yehova ti beto ke zolá mpe ke zitisaka yandi. Beto kuzimbana ve ti Yehova zaba makanisi ya beto, mpe mambu nyonso yina beto ke salaka. (Baebre 4:13) Yandi ke talá ntangu beto ke zonzá kaka matsyeleka, mpe ya ke pesaka yandi kilengi. Biblia ke zonzá ti: “Yehova ke mangaka muntu ya luvunu, kasi yandi ke salaka kindiku ya ngolo na bantu ya mbote.”—Bingana 3:32.

2. Wa’ faso kuvanda muntu ya matsyeleka bilumbu nyonso?

Yehova zola ti “konso muntu tubila mpangi ya yandi tsyeleka.” (Zakari 8:16, 17) Yinki ya zola zonza? Ntangu beto ke sololá na dikanda ya beto, na bampangi ya kisalu, na bampangi ya kimvuka, to na bantu ya luyalu, beto fwana kuvuna ve mpe kuzonza ve tsyeleka ya ndambu. Muntu yina ke zonzá tsyeleka ke yibá ve, to ke vuná ve samu na kuzwa mbongo to kima ya nkaka. (Tanga Bingana 24:28 na Baefeze 4:28.) Yandi ke futá mpe bampaku ya luyalu (impôts). (Baroma 13:5-7) Na kusalá faso yayi, beto ke lakisa ti “beto ke sosaka na kuvanda na nkadulu (ndyatulu) ya mbote na mambu nyonso.”—Baebre 13:18.

3. Wapi yina ke bambote ya kuvanda kaka muntu yina ke zonzá tsyeleka?

Ntangu bantu ke zabilá beto mutindu muntu yina ke vuná ve, ba ke tudilá beto ntima. Na kusalá faso yayi, beto ke sala ti bumosi vanda na kati ya kimvuka, kaka mutindu ya ke vandá na kati ya dikanda yina ke na luzolo mingi. Ya ke sadisa beto na kuvanda mpe na kizunu ya ntima. Kana beto vanda bantu yina ke vuná ve, beto ke “pesa nkembo na mambu nyonso na ndongosolo (malongi) ya Nzambi kivuukisi ya beto,” mpe beto ke pesa ba yina ke sadilá ve Yehova nsatu ya kusadila yandi.—Tite 2:10.

SOSA KUZABA MBOTE-MBOTE

Beto tala yinki ya ke salá Yehova ntangu beto ke zonzá kaka matsyeleka, mpe yinki ya lenda natina beto. Beto tala mpe wa’ faso beto lenda vanda muntu yina ke vuná ve na luzingu ya bilumbu nyonso.

4. Muntu yina ke vuná ve ke pesá Yehova kilengi

Tanga Nkunga 44:21 na Malaki 3:16, mpe na manima beto zonzila byuvu yayi:

Na nge, samu na yinki ya ke buzoba na kukanisa ti beto lenda bumba matsyeleka?
Yinki ya ke salá Yehova ntangu beto ke soolá kuzonza matsyeleka ata ntangu ya ke vandá mpasi na kusala yawu?

Mwana ke na zonzá na tata ya yandi yina me kokama na mantwala ya yandi. Kopo ya malafu me mwangana na ntoto. — Ntangu bana ke zonzá matsyeleka ba ke salá ti bibuti ya bawu vanda na kilengi. Ntangu beto ke zonzá matsyeleka beto ke pesá Yehova kilengi

5. Beto vanda bantu yina ke vuná ve ntangu nyonso

Bantu mingi ke kanisá ti kuvanda muntu yina ke vuná ve ke ve mbote ntangu nyonso. Kasi beto tala samu na yinki beto me bonga kuvanda bantu yina ke zonzá kaka matsyeleka ntangu nyonso. Tala VIDEO.

VIDEO: Yinki ke natá kilengi?—Kizunu ya ntima (2:32)

Foto ya video ‘Yinki ke natá kilengi?—Kizunu ya ntima.’ Na manina ya kuzonza na mfumu ya yandi ya kisalu ti yandi me bebisa kima ya kisalu, Ben na mfumu ya yandi me pesana mbote.

Tanga Baebre 13:18, mpe na manima beto zonzila wa’ faso beto lenda vanda bantu yina ke vuná ve . . .

na dikanda ya beto.
na kisalu to na l’école.
na bamambu ya nkaka.

6. Bambote ya kuzonza matsyeleka

Ntangu ya nkaka kuzonza matsyeleka lenda natina beto bampasi. Ata faso yina, kuzonza matsyeleka ke vandá kaka mambu ya kulutila mbote ya kusala. Tanga Nkunga 34:12-16, mpe na manima beto zonzila kyuvu yayi:

Wa’ faso kuzonzá kaka matsyeleka lenda bongisa luzingu ya nge?

A. Kento na bakala ke na sololá ntangu ba ke na kunwá kafe kintwadi.

B. Mfumu ya kisalu ke na pesá masiika na muntu mosi yina ke yidiká batomabilu na kisalu ya bawu.

Babakala na bakento yina ke zonzá kaka matsyeleka ke kumisá ngolo dikwela ya bawu
Bantu yina ke zonzá kaka matsyeleka na kisalu ya bawu, bamfumu ya bawu ke tudilá bawu ntima
Bantu ya luyalu ke sepelá na bantu yina ke zonzá matsyeleka

BANTU YA NKAKA KE ZONZAKA: “Luvunu ya fioti ke ve ya yawu yimbi.”

Samu na yinki nge na ndimá ti Yehova ke yiná luvunu nyonso?

NA BUNKUFI

Yehova zola ti bandiku ya yandi vanda bantu ya matsyeleka na mambu yina ba ke zonzá mpe ke salaka.

Mambu ya kusimba

Wapi yina ke bafaso ya kuvanda bantu yina ke zonzá kaka matsyeleka?
Samu na yinki ya ke buzoba na kukanisa ti beto lenda bumba matsyeleka?
Samu na yinki nge zolá zonza matsyeleka ntangu nyonso?

Sonika kilumba yina kileso me manisa:

Yina nge lenda sala

Yufula na nge mosi, ‘Yehova ke talá kwandi munu mutindu muntu yina ke zonzá kaka matsyeleka?’ Mpe sosa bamambu nyonso yina nge me lunga kuyidika na luzingu ya nge.

Mambu ya nkaka ya kusala:

Your other goal

SOSA KUZABA DYAKA

Wapi mutindu bibuti lenda longa na bana ya bawu na kuvanda bantu yina ke zonzá matsyeleka?

Kuvuna ve (1:44)

Wapi bambote beto ke kuzwa na kusalá bamambu yina beto me zonza ti beto ke sala?

Lungisa bamambu yina nge zonzá, mpe nge ke kuzwa bambote (9:09)

Tala samu na yinki beto me bonga kufuta mpaku, ata ti bantu ke kanisá ti bantu yina ke baká mbongo yango, ke sadilaka yawu na faso ya yimbi.

“ Faut-il payer ses impôts ? ” (La Tour de Garde, 1^er Septembre 2011)

Tala yinki natá bakala mosi yina vandá na luzingu ya muyibi na kubanda kunata luzingu ya kulunga

“ J’ai découvert la miséricorde et le pardon de Jéhovah ” (La Tour de Garde, 1^er Mai 2015)