Yina salamaka

Lakisa ntima ya kyadi na bantu nyonso

Kilumbu mosi, mpangi mosi ya kento yina ke vandá na bwala ya Nouvelle-Zélande talá video “Soucions-nous les uns des autres,” yina ke zonzá ti Yehova ke talá ve beto kaka kyadi, kasi yandi ke lakisak’ yawu. (Iza. 63:7-9) Yandi baká mukanu ya kusadila bamambu yina yandi longoká samu na kusadisa bantu nyonso. Ntangu yandi vandá sumba bima, yandi kutaná na kento mosi yina ke lalá na ngaanda mpe sumbilak’ yandi madya. Mpe kento yango ndimaka. Ntangu yandi vutuká kutala kento yango, yandi sadilá mukanda: Kilumbu kele yina bampasi ke zimbana? Samu na kusolola mwa fioti na yandi.

Kento yango bandá kudila. Yandi me zonza: “Ba longá munu matsyeleka na bibuti ya munu, kasi mu landá ve nzila yina ba lakisá munu. Mu sambilá Yehova samu yandi sadisa munu na kuvutuka kusadila yandi.” Mpangi ya kento pesá kento yango Biblia mpe yidiká bamambu samu yandi longoka Biblia na yandi.a

Beto lenda landa kifwani ya Yehova na kulakisá bantu nyonso ntima ya kyadi, ya vanda bantu ya dikanda ya beto, to bampangi ya kento na ya bakala na kati ya kimvuka. Mpe beto lenda lakisa ntima ya kyadi ntangu beto ke sosá kusamuna bantu ya nkaka.