Samu na kubikana ekenge, fyongonina Biblia mbote-mbote

Tanga Danyele 9:1-19 samu na kuzaba mfunu ya kufyongonina Biblia.

Tala baverse ya nkaka. Wapi bamambu salamaka mwa ntangu na manima, mpe yinki ya salaka na luzingu ya Danyele? (Dan. 5:29–6:5) Yinki ya zola sala nge kana nge vandaka Danyele?

Sosa kuzaba mbote-mbote yinki disolo nyonso ke na zonzilaka. Wapi “mikanda ya santu” Danyele sadilaka? (Dan. 9:2, ftn.; w23.08 p.4 §7) Samu na yinki Danyele zonzilaka ve kaka masumu ya yandi na lusambu, kasi mpe ya dikanda nyonso ya Izraele? (Lev. 26:39-42; 1 Mf. 8:46-50; dp-F 182-184) Wa’ faso lusambu ya Danyele ke na lakisaka ti yandi vanda fyongoninaka mambu ya Nzambi?​—Dan. 9:11-13.

Sosa bileso. Nge lenda yufula:

• ‘Yinki nge lenda sala samu bamambu yina ke na lutaka na yinza vuna ve nge?’ (Mika 7:7)

• ‘Wapi bambote mu ke kuzwa kana mu fyongonina Biblia mutindu Danyele?’ (w04-F 1/8 12 §17)

• ‘Yinki dyaka mu lenda fyongonina samu mu “vanda ekenge”?’ (Mat. 24:42, 44, NWT; w12-F 15/8 5 §7-8)