SILA UMBANGI UNA UFWENE
Tutomesa Ndekwa Zeto Muna Salu kia —Umbangi Kubika e Nsunzula mu Mvovo mia Ngeye Kibeni
EKUMA DININ’O MFUNU: Kana una vo e nsunzula za leboka zina mu Nkand’a Malongi zikutuvananga ndekwa zambote, kansi tuludiku kaka. Ofwete sadila e mvovo mia ngeye kibeni. Olenda sadila nsunzula yaswaswana yovo diambu diakaka omwene vo dilenda tunta e sungididi kia wantu muna zunga kieno. Avo i wau, vava otanga Eyingidilu yovo Despertai!, badika e nsunzula zaleboka yo tala e video ya nsongesela, olenda sadila ndekwa zilende mu kubika e nsunzula ya ngeye kibeni.
UNA OLENDA WO VANGILA:
Ukiyuvula: ‘Nga nzolele sadila imosi muna nsunzula zaleboka?’
ELO
Kubika una oyantikila e moko. Vava okayisa o muntu, unzayisa ekuma kia nkingul’aku. (Olenda vova: “Ngizidi mu ku . . . ”)
Yindula una olenda viokela muna kiuvu, sono ye mana ovova. (Muna tanga e sono, olenda vova: “E mvutu za sikididi za kiuvu kiaki olenda zo solola mu sono eki.”)
VE
Sola ntu a diambu uyangidikidi muna Eyingidilu yovo Despertai!, una ulenda tunta e sungididi kia wantu muna zunga kieno
Kubika kiuvu kilenda fila muntu mu vova mana keyindulanga yo ziula e nzila mu mokena, kansi kuvangi kiuvu ko kilenda fila muntu mu lembi zaya dina kevova. (Kasikil’owu: Olenda sadila e kiuvu kina vana lukaya lwa 2 lwa Eyingidilu yovo Despertai!.)
Sola e sono nutanga. (Avo Despertai! okaya, ngeye kibeni olenda baka e nzengo kana vo sono otanga, kadi finkanda fiafi fiakubikwa mu kuma kia awana ke bena ye zayi wayingi ko wa Nkand’a Nzambi yovo bekalanga yo lukatikisu mu kuma kia mabundu.)
Kubika diambu dimosi yovo mamole malenda sasila una muntu kalenda bakila nluta muna tanga longi dina muna finkanda
MUNA MAMBU MAKAKA
Kubika kiuvu kina ovanina e mvutu vava ovutuka kunkingula
Soneka maka mambu malenda kusadisa mu sungamena mana ovova muna nkingula ilanda