Venga e Ntambu Miami Vava Ofilanga e Longi dia Nkand’a Nzambi

Vova Kwayingi: Kuyindula ko vo ofwete sasila mawonso. Yesu wasadilanga yuvu mu sadisa nkangu bayindula yo kubafila babakula e mbut’a diambu. (Mat 17:24-27) O sadila e yuvu difilanga nlongoki mu kala ye tima dia mokena yo kusadisa mpe mu zaya mana kekwikilanga. (be 253 tini kia 3-4) Vava ovanganga kiuvu, kala yo luzindalalu yo vingila e mvutu. Avo nlongoki oven’e mvutu zambi, vana fulu kia kunzayisa e mvutu zasikila, sadila yuvu yankaka ilenda kumfila mu bakula e mbuta diambu. (be 238 tini kia 1-2) Vovela mu mpila ilenda sadisa nlongoki mu bakula mbut’a diambu.—be 230 tini kia 4.

Kitula Longi se Diampasi: Venga e fu kia vova mawonso ozeye vava ofilanga e longi. (Yoa 16:12) Sia e sungididi muna mambu masina mena muna tini. (be 226 tini kia 4-5) O vova kwayingi kana nkutu vo diambu diambote tuvovanga, dilenda kutufila mu vidisa diambu diasina. (be 235 tini kia 3) Avo nlongoki obakwidi diambu diasina, nuvioka muna tini kiankaka

Longoka Mambu Mayingi: Ekani dieto i simba o ntim’a nlongoki, ke kunzadisa ko ye mambu mayingi. (Luka 24:32) Sadila nkum’a Diambu dia Nzambi muna sia e sungididi muna sono ya sina ina muna longi. (2 Kor 10:4; Ayi 4:12; be 144 tini kia 1-3) Sadila nona yaleboka. (be 245 tini kia 2-4) Badika mambu mampasi kenwananga mau o nlongoki ye mana kekwikilanga, i bosi fila e longi mun’owu wa nsatu zandi. Sadila e yuvu nze eyi: “Aweyi omwene muna mana olongokele?” “Ediadi adieyi dilongele mu kuma kia Yave?” “Nkia nluta obaka avo osadidi luludiku lwalu?”—be 238 tini kia 3-5; 259 tini kia 1.