TUSALU TUNA MUNA DIAMBU DIA NZAMBI | 5-11 YUNI
YEREMIYA 51-52 | Diambu dia Yave Dialungana Muna Mawonso
Yave wasakula oma ma kusentu ye sikididi kiawonso
Kesa kuna lûmbu lwa Aparasi
51:11, 28
‘Nusekesa nzanza’
Amadai ye Aparasi makesa matoma longwa bakala, e madionga i nkele batoma sadilanga. Basekesanga e nzanza zau kimana zatoma songoka
“O makesa ma Babele mayambwidi o nwana”
Nkand’a lunsansu lwa Nabonido uvovanga vo: “E makesa ma Kurese makota muna Babele lembi nwana.” Disongele vo ke vakala vita ko. Ediadi ngwizani dina yo ungunza wa Yeremiya
Nkand’a lusansu lwa Nabonido
“O Babele okituka se mazudika . . . yakwele mvu”
Tuka muna mvu wa 539 V.T.K., e tunda dia Babele diayantika fokoka. Alesandero Wanene wazola kitula Babele se nsi andi, kansi wafwa kuna kinsalukisa. Kuna lubantiku lwa tandu kia Kikristu, Ayuda akaka i kuna basala, ekiaki i kuma kiafila Petelo wa ntumwa mu kingula Babele. Kansi muna tandu kia yá kia tandu kieto, e mbanz’a Babele yafwaswa, yakituka se zumbu yamu wau