Nkia Ntangwa Isala Diaka se Mviti a Nzila Ansadisi?

E mona meso kia tempelo kiasongwa Yezekele, kisonganga vo nkangu a Yave ukuyivana kuna mvevo. Aweyi tulenda vanina tukau twa lusanisinu?—Ayib 13:15, 16.

Mosi muna mpila tulenda wo vangila i sala se aviti a nzila ansadisi. O mvu wa salu wa 2018 una ye ngonde zayingi zina ye lumbu tanu ikala kia Sabala ye lumbu tanu ikala Kialumingu. Ediadi dialusadisu kikilu kwa awana besalanga lumbu kiawonso kuna kompani mu kuyivana muna salu kia umbangi kuna nsuk’a lumingu. Vana ntandu, ateleki balenda vanga ola 30 yovo ola 50 zivavuanga kwa aviti a nzila ansadisi muna ngonde a Malusu ye Abidi ye muna ngonde a nkingul’a nkengi a zunga.

Adieyi tuvova avo katulendi sala se aviti a nzila ko? Tulenda vanga mawonso tulenda mu tomesa e salu kieto kia umbangi. Kana nkutu nkia mambu tunuananga mau, yambula vo zola kweto muna Yave kwatufila mu kumvana kina kisundidi o wete muna mvu wa salu wa 2018!—Osea 14:2.

TALA E VIDEO INA YO NTU A DIAMBU, MUNA LUSADISU LWA YAVE NDENDA VANGA MAWONSO, I BOSI VANA E MVUTU ZA YUVU ILENDE:

• Nki kiafila Sabina mu vanga mayingi muna salu kia Yave?

• Aweyi e mbandu a Sabina ikasakesele?

• Muna mvu wa salu wa 2018, nkia ngonde olenda sala se mviti a nzila ansadisi?