Ubalonga Bakwamanana Sadila Yave

E ziku kisonganga vo ateleki ampa ana betoma longwanga tuka kuna lubantiku, bekalanga yo vema muna salu kia umbangi, nkumbu miayingi bekitukanga ateleki ambote. (Nga 22:6; Fili 3:16) Tala ezak’a ndekwa zisonganga una tulenda sadisila alongoki mu kala ye nkubilwa yambote muna salu kia umbangi:

• Vava nlongoki aku kekitukanga nteleki, yantika kunlonga vana vau. (km 8/15 1) Toma kunsasila o mfunu wa kala ye nkubika ya sala e salu kia umbangi konso lumingu. (Fili 1:10) Vovelanga mambu mambote owanananga mau muna zunga kiaku. (Fili 4:8) Unkasakesa kasalanga kumosi yo nkengi a buka ye ateleki ankaka kiamana kabaka e nluta muna mpil’au ya longela.—Nga 1:5; km 10/12 6 tini kia 3

  

• Vava nlongoki aku kevubwa, kuyambula kunkasakesa ko yo kunlonga una kalenda sadila e salu kia umbangi musungula avo kafokwele longoka nkanda, “Zola kwa Yave” ko.—km 12/13 7

  

• Sadilanga nsunzula zaleboka vava osalanga yo nteleki ampa muna salu kia umbangi. Avo muntu kamokene yandi, unsanisina. Unzayisa konso diambu kafwete tomesa muna kunsadisa kakala nteleki ambote.—km 5/10 7