ZINGU KIA KIKRISTU

O Sila Umbangi yo Longa Mfunu Kwina Muna Kitula Wantu se Alongoki

Yesu wakanikina alandi andi benda, bakitula wantu se alongoki. (Mat 28:19) Ediadi divavanga vo twasila umbangi yo longa. Konso ntangwa diambote twakiyuvulanga, ‘Aweyi ndenda tomesena e ndekwa zazi zamfunu mu kitula wantu se alongoki?’

SAMUNA

Vana fulu kia vingila vo wantu beza kwa yeto, tufwete vavanga ‘akwa luzolo lwambote.’ (Mat 10:11) Vava tukalanga mu salu kia umbangi, nga tusadilanga konso lau dia mokena yo wantu tuwanananga yau? (Mav 17:17) O vema kwa Paulu wa ntumwa kwa sila umbangi, kwasadisa Ludia mu kituka nlongoki a Yesu.—Mav 16:13-15.

Samuele okayanga e finkanda kwa Ezequiel; Solomon yo Maria besilanga umbangi kwa Ezequiel yo Abigail — “E menemene kuna mbongo, o masika kuvweni ko” (Kim 11:6)

NUTALA E VIDEO, ‘KUYAMBULA’ SAMUNA NSANGU ZAMBOTE KO—SILA UMBANGI KUNA KINSALUKISA YE MU NZO YE NZO, I BOSI NUVANA E MVUTU ZA YUVU ILENDE:

Muna salu yandi ya lumbu ke lumbu, aweyi Samuele kasongela vo nkwa vema muna salu kia kuna mbongo a ludi?
Ekuma tufwete songela luzindalalu muna mpila zawonso za sila umbangi?
Kwa nani olenda samunwina e nsangu za Kintinu ekolo osalanga e salu yaku ya lumbu ke lumbu?

LONGA

Muna kitula wantu se alongoki, mayingi tufwete vanga ke sisa kaka nkanda kwa wantu ko. Muna kubasadisa banungunuka, tufwete vutukila kubakingula yo longoka yau o Nkand’a Nzambi. (1 Kor 3:6-9) Adieyi tuvova avo ngolo tuvanganga za longa e ludi kia Kintinu kwa muntu ke zitwese nluta ko? (Mat 13:19-22) Tufwete kwamanana sala e salu kieto kia vava awana bena ye ntima nze “ntoto ambote.”—Mat 13:23; Mav 13:48.

Solomon yo Maria belongokanga Nkand’a Nzambi yo Ezequiel yo Abigail; Ezequiel yo Abigail besilanga umbangi — “Omono yakuna, Apolo wayitila maza, kansi Nzambi kaka wakolesa yo” (1 Kor 3:6)

NUTALA E VIDEO, ‘KUYAMBULA’ SAMUNA NSANGU ZAMBOTE KO—MUNA FULU YA NDONGA YO KITULA WANTU SE ALONGOKI, I BOSI NUVANA E MVUTU ZA YUVU ILENDE:

Aweyi Solomo yo Maria bayitidila maza muna mbongo a ludi bakuna muna ntima Ezequiel yo Abigail?
Nkia kani tufwete kala diau muna mpila zawonso za salu kia umbangi kumosi yo sila umbangi vana fulu kia ndonga?
Aweyi tulenda kukivanina una ufwene muna salu kia longa e ludi kwa akaka?