Landa e Ntambi za Kristu una Ufwene

Yesu watusisila e mbandu twantanginina, musungula vava tuwanananga ye mpasi yovo lubangamu. (1 Pet 2:21-23) Kana una vo Yesu walevolwa kavutula mbi ko, kana nkutu vava kamweswanga e mpasi. (Maku 15:29-32) Nki kiansadisa mu zizidila? Wakala ye kani dia vanga luzolo lwa Yave. (Yoa 6:38) Wasia mpe e sungididi “muna kiese kasidilwa.”—Ayib 12:2.

Adieyi tuvanganga vava tubangikwanga mu kuma kia lukwikilu lweto? Akristu akieleka ke bevutulanga “mbi muna mbi ko.” (Roma 12:14, 17) Vava tutangininanga e mpila Kristu kazizidila e mpasi, tukalanga ye kiese kia zaya vo tuna ye dienga dia Nzambi.—Mat 5:10-12; 1 Pet 4:12-14.

NUTALA E VIDEO, E NKUMBU A YAVE ISUNDIDI O MFUNU, I BOSI NUVANA E MVUTU ZA YUVU ILENDE:

• Aweyi o nkaz’a mpangi Pötzingera katoma sadila e ntangw’andi vava kakala muna pelezo mu suku dia yandi mosi kaka?

• Nkia mpasi kawanana zau mpangi Pötzinger yo nkaz’andi kuna fulu kiasadilwanga e salu yangolo?

• Nki kiabasadisa mu zizidila?