Tutomesa Ndekwa Zeto Muna Salu Kia Umbangi Sadilanga e Nzil’eto JW.ORG

EKUMA DININA O MFUNU: Konso nkanda una muna Salanganu Yeto ya Longela uyikanga e nzil’eto ya jw.org. E kani dia kalati kia JW.ORG ye tratado ina yo ntu a diambu, Akweyi Tulenda Sololwela Mvutu za Yuvu Yamfunu mu Kuma kia Zingu? i fila wantu muna nzil’eto jw.org. Tulenda kayila muntu umosi muna nkanda mina muna Salanganu Yeto ya Longela. Tulenda sadila jw.org muna kuntwikila nkanda wau yovo link. Ediadi diamfunu kikilu musungula vava tusilanga umbangi kw’awana bevovanga ndinga zankaka. Vana ntandu, o wantu balenda yuvula yuvu ina vo e mvutu ke zina ko muna nkanda mina muna Salanganu Yeto ya Longela. Avo tusadidi e nzil’eto ya internete, dilenda tomesa e salu kieto kia umbangi.

UNA TULENDA WO VANGILA:

• 

  Ziula vana vasonama “MALONGI MA NKAND’A NZAMBI”. Yindula vo ozolele sila umbangi kwa mase ana bazolele zaya mayingi mu kuma kia una balenda sansila o mwana. Ziula vana MALONGI MA NKAND’A NZAMBI > AKAZI YE MASE.

• Ziula vana vasonama “NKANDA.” Yindula vo umbangi osilanga kuna sikola ye ozolele kaya e finkanda Mvutu Za Yuvu 10 Beyuvulanga Aleke. Ziula vana NKANDA > NKANDA YE YINKANDA.

• Ziula vana vasonama “TU AKI NANI”. Yindula vo umbangi osilanga kwa nkwaku a salu ona ozolele zaya mana tukwikilanga. Ziula vana vasonama, TU AKI NANI > YUVU ITOMA YUVULWANGA.

SONGA E VIDEO SADILANGA JW.ORG, I BOSI NUVAVA ZAYA E FULU NULENDA ZIULA MUNA SADISA:

• muntu ke kwikilanga mu Nzambi ko

• muntu wabwilwa e sumbula

• mpangi wayoya muna mwanda

• muntu tuvutukila kingula ona wazola zaya akweyi kutukanga e nzimbu zisadilwanga muna salu kieto

• muntu watuka mu nsi yankaka ona ozolele lungana muna tukutakanu kuna nsi andi