Kwamanana Longwa kwa Yave

EKUMA DININA O MFUNU: O Yave wa Nlongi Anene otoma kutulonganga. Okutulonganga kuna ngovo una tulenda tomesena e zingu kieto ye una tulenda zingila kuna sentu. (Yes. 11:6-9; 30:20, 21; Lus 22:17) Muna lusadisu lwa malongi mandi, Yave mpe okutukubikanga kimana twasamuna kwa akaka e nsangu za luvuluzu.—2 Kor 3:5.

UNA TULENDA WO VANGILA:

• Yima e fu kia lulembamu.—Nku. 25:8, 9

• Vuanga e nluta muna malongi kekutuvananga o Yave muna lungisa konso kiyekwa ovewanga muna lukutakanu lwa kati kwa lumingu

• Sikidisa makani ma mwanda.—Fili 3:13

• Vanga mawonso olenda muna kuyifwanisa muna tambula malau mankaka.—Fili 3:8

NUTALA E VIDEO, O LONGWA KWA YAVE NSAMBU DITWASANGA, I BOSI NUVANA E MVUTU ZA YUVU ILENDE:

• Nkia nkakalakani bewanananga zau ateleki ankaka muna kota Sikola ya Ateleki a Kintinu?

• Nkia mambu melongwanga muna Sikola ya Ateleki a Kintinu?

• Aweyi ampangi muna nkutakani balenda sadisila ampangi bakota e sikola yayi kimana balungisa e iyekwa yau yampa?

• Nkia mambu mevavuanga muna kota e Sikola ya Ateleki a Kintinu? (Kintinu kia Nzambi, luk. 189)

• Nkia sikola zankaka olenda kota mu nkubik’a Yave?