Aleke Nukala yo ‘Vema Muna Salu Kiambote’

Muna nkand’andi kwa Tito, Paulu wasoneka vo e matoko ye ndumba kumosi yo Tito, bafwete vanga mawonso muna kala “mbandu muna mavangu mambote.” (Tito 2:6, 7) I bosi, muna kapu kiau kimosi, Paulu wavova vo Yesu wadi velelesa o nkangu a Yave kimana bakala ye “tima dia mavangu mambote.” (Tito 2:14) Kimosi muna mavangu mambote i samuna e nsangu zambote yo longa oma ma Kintinu kia Nzambi. Avo u toko, nga olenda sadila o nkum’aku muna sala se mviti a nzila a nsadisi yovo mviti a nzila a ngonde ke ngonde?—Nga 20:29.

Avo ozolele sala se mviti a nzila, vanga e nkubika muna kota muna salu kiaki. (Luka 14:28-30) Kasikil’owu, aweyi olenda lungisila e nsatu zaku ekolo osala se mviti a nzila? Aweyi olungisila e ola zilombwanga? Zayisa e ngindu zaku kwa Yave. (Nku 37:5) Mokenena dio mpe ye yitu yaku ye awana besalanga e salu kia kimviti a nzila se kolo. I bosi vanga diambu muna lungisa e kani diaku. Yave osinga sambula o vema ye ngolo zaku muna kunsadila!

TALA E VIDEO, SADILA E KILEKE KIAKU MUNA KEMBELELA YAVE, I BOSI VANA E MVUTU ZA YUVU ILENDE:

• Nkia mambu mampasi bewanananga mau awana besalanga se aviti a nzila? Aweyi belungisilanga e salu kiau?

• Aweyi mase balenda sadisila o wan’au bakituka se aviti a nzila a ngonde ke ngonde?

• Okala ye programa ya vaika mu salu kia umbangi ekuma dinina o mfunu?

• Aweyi ampangi muna nkutakani balenda kasakesela yo sadisa aviti a nzila?

• Nkia nsambu betambulanga awana besalanga se aviti a nzila?