ZINGU KIA KIKRISTU

Aweyi Akazi Balenda Kumikina o Longo Lwau

Abarayama yo Sara bena se mbandu ambote kuna kwa akazi mu songaziana o zola yo luzitu. (Tuku 12:11-13; 1 Pet. 3:6) Kana una vo i wau, ke bakala yo longo lwalunga ko. Bawanana ye mambu mayingi mampasi muna zingu kiau. Adieyi akazi balenda longoka muna mbandu ya Abarayama yo Sara?

Nukalanga ye mbokena zambote. Vava nkaz’aku kefunganga makasi yo kukazila, umvutulwila kuna lulembamu lwawonso. (Tuku 16:5, 6) Nuvaulanga e ntangwa ya kala vamosi. Muna mvovo ye mavangu, sikidisanga o nkaz’aku vo otoma kunzolanga. Vana ntandu a mambu mama, nusianga Yave muna longo lweno muna longokanga, samba yo kunsambila kumosi. (Kim 4:12) O longo lwakiese zitu luvananga kwa Yave ona wasikidisa e nkubika yayi.

TALA E VIDEO, UNA TULENDA KUMIKINA O LONGO, I BOSI VANA E MVUTU ZA YUVU ILENDE:

Nkia diambu diavangamanga muna longo lwa Shaan yo Kiara nze una tumwene muna video?
E mbokena zambote ekuma zinina o mfunu muna longo?
Aweyi e mbandu ya Abarayama yo Sara yasadisila Shaan yo Kiara?
Adieyi o Shaan yo Kiara bavanga muna kumika longo lwau?
Ekuma o yakala yo nkento ke bafwete vavila ko vo longo lwau lwakala lwalunga?

Mafoto: Fwaniswa ya video, ‘Una Tulenda Kumikina o Longo.’ Shaan yo Kiara babaka e nzengo za kumika o longo lwau. 1. Bafididi e nima kwa muntu yo nkwandi. 2. Basimbanene muna moko. 3. Bena ye kiese wau besalanga kumosi muna salu kia umbangi. — Olenda kumika o longo lwaku!