Adieyi Olenda Longoka Muna Nona ya Mpangi Besadilanga Yave mu Mvu Miayingi?

Muna nkutakani zeto muna ye mpangi besadilanga Yave mu mvu miayingi. Tulenda longoka mayingi muna mpila bebundilanga Yave e vuvu. Tulenda kubayuvula o lusansu lwa nkubik’a Yave, una basundila e nkakalakani ye una Yave kabasadisila. Tulenda bokela mosi muna mpangi awaya muna fuku wa Nsambila ya Esi Nzo eto yo kubalomba bavova mambu bawanana mau muna zingu.

Avo u nunu, zayisanga oma ma lukwikilu lwaku kwa aleke bena vo Akristu. Yakobo yo Yosefe bamokenenanga oma ma lukwikilu lwau kwa wan’au. (Tuku 48:21, 22; 50:24, 25) Kuna kwa landa, Yave wavovesa kwa mase vo balonganga mavangu mandi ma nkuma kwa wan’au. (Nsi. 4:9, 10; Nku. 78:4-7) O unu, amase ye mpangi zankaka muna nkutakani, balenda zayisa kwa aleke o mambu masivi bamona kala mana Yave kavanga muna nkubik’andi.

TALA E VIDEO, BAKWAMANANA MU KINTWADI VAVA E SALU KIETO KIASIMWA, I BOSI VANA E MVUTU ZA YUVU ILENDE:

• Aweyi e vula dia Áustria diasadisila ampangi muna nsi zankaka ezi zasima e salu kieto?

• Aweyi ampangi muna nsi zazi bakwamanana kumikina o lukwikilu lwau?

• Ekuma ateleki ayingi kuna Romênia bavavukila e nkubik’a Yave ye aweyi bavutukila?

• Aweyi o mambu mama makumikini o lukwikilu lwaku?