Olenda Sila o Umbangi yo Longa

Kuna lubantiku Mose wamona vo ke lenda lungisa e kiyekwa ko kina kavewa kwa Yave. (Luv. 4:10, 13) Nga ngeye mpe wabwilwa kala e diambu diadi? Nanga Bibila olongokanga ye Mbangi za Yave ye okukiyuvulanga kana vo olenda sila umbangi mu nzo ye nzo. Dilenda kala mpe vo u nleke, nsoni omonanga za sila o umbangi kuna sikola. Nga wonga omonanga wa sila o umbangi mu telefone ye muna mpila zankaka za sila umbangi vana fulu kia ndonga? Samba kwa Yave mu lomba o mwand’andi avelela. (1 Pet. 4:11) Kala ye ziku vo yandi olenda kufwanisa mu lungisa konso kiyekwa kekuvana.—Luv. 4:11, 12.

TALA E VIDEO NUKALA YO UNKABU . . . ATELEKI, I BOSI, VANA E MVUTU ZA YUVU ILENDE:

• Nkia nkakalakani kawanana zau o mpangi Aoyama?

• Akweyi kasololwela lukasakeso yo unkabu?—Yer. 20:7-9

• Nkia nluta kabaka wau kakivana muna salu kia Yave?

• Nkia nkakalakani owanananga zau muna salu kia umbangi zina Yave kalenda kusadisila mu sunda?