TUSALU TUNA MUNA DIAMBU DIA NZAMBI | LUVAIKU 10-11

Mose yo Arone Basonga o Unkabu

10:3-6, 24-26, 28; 11:4-8

Mose yo Arone basonga o unkabu vava bamokena yo Faro ona wasunda o nkuma muna wantu awonso ova ntoto muna kolo kiakina. Nki kiabasadisa mu songa o unkabu wau? Mu kuma kia Mose, Bibila kivovanga vo: “Muna lukwikilu, wasisa Engipito, kamwena makasi ma ntinu wonga ko, kadi wazindalala nze yandi wamonanga Ndiona olembi monekanga.” (Ayib. 11:27) Mose yo Arone lukwikila lwasikila bakala lwau muna Yave ye babundanga e vuvu muna yandi.

Mu nkia mambu mevavilwanga unkabu mu zayisa oma ma lukwikilu lwaku kwa muntu una ye wisa?

Fwaniswa: Mambu mana tulenda songela o unkabu. 1. Nleke kuna sikola otelamene ekolo akaka beyimbilanga o nkunga a nsi. 2. Mpangi otelamene vana ntadisi a mbazi a nkanu. 3. Nleke okayanga e tratado kwa mfumu a nzo muna salu kia umbangi, ekolo polisia una vana ndambu kekuntalanga.