Sikila ye Kwikizi Ekolo e Mbaninu Ifinamanga

EKUMA DININA O MFUNU: O mambu mampasi mebwa ke kolo ko, metonta unkabu ye vuvu kieto muna Yave e ntontwa ina ke kiatekele tontwa ko. E mpasi zayingi ziyantikila muna lufwasu lwa nsambil’a luvunu. (Mat. 24:21; Lus. 17:16, 17) Muna kolo kiakina kiampasi, nanga tusamuna e nsangu za mfundisa za nkuma za Yave. (Lus. 16:21) Tunuaniswa kwa Ngonge a Mangonge. (Yez. 38:10-12, 14-16) Muna tanina o nkangu andi, Yave otwasa e “vit’a lumbu kianene kia Nzambi a Mpungu-ngolo.” (Lus. 16:14, 16) Muna kumika o unkabu weto mu kuma kia mambu mama mebwa kuna ntwala, tufwete sikila ye kwikizi owau ekolo tuwanananga ye ntonta za lukwikilu.

UNA TULENDA WO VANGILA:

• Kuna unkabu wawonso, yikamanga e nkanikinu mia nkal’ambote mia Yave.—Yes. 5:20

• Kwamanana sambila Yave kumosi ye akwaku Akristu.—Ayib. 10:24, 25

• Lemvokelanga o tuludiku tuvewanga muna nkubik’a Yave vana vau.—Ayib. 13:17

• Badikanga una Yave kavuluzila o nkangu andi kuna nz’ankulu.—2 Pet. 2:9

• Sambanga kwa Yave yo kumbunda e vuvu.—Nku. 112:7, 8

TALA E VIDEO, MAMBU MEVANGAMA KUNA NTWALA MEVAVA UNKABU—FINDAMBU KAKA, I BOSI, VANA E MVUTU ZA YUVU ILENDE:

• 

  Aweyi o nlemvo wa ateleki a nkutakani mosi watontelwa vava e nkutakani au yabundakeswa ye nkutakani yankaka?

• 

  O songa o nlemvo aweyi dikumikinanga o unkabu weto?

• 

  Ekuma tuvuila unkabu o mfunu vava kilwaka e Armangedo?

• 

  Nkia lusansu lwa Bibila lulenda kutusadisa mu kumika o lukwikilu lweto muna nkum’a Yave wa vuluza?—2 Tus. 20:1-24