Yave yo Kristu Bekutuvuluza

Nkia mambu mampasi onuananga mau lumbu yawonso? Nga u se una ye mbebe zayingi? Nga wana osansanga ngeye mosi ye divavanga vo wasala kwayingi muna kubadikila? Nga u nleke ovezwanga kwa akw’aku a sikola? Nga kimbevo kiampasi onuananga kiau yovo kinunu? Yeto awonso tunuananga ye mpasi. Ayingi muna mpangi zeto benuananga ye mpasi za mpila mu mpila. Kansi tuzeye wo vo ke kolo ko, Yave okutuvevola muna mpasi zazi.—2 Kor 4:16-18.

Ekolo tuvingilanga e lumbu kiaki, diakiese mu zaya vo Yave obakulanga e mpasi zeto. Oyangalelanga e kwikizi yo luzindalalu lweto. Kuna sentu okutusambula. (Yer. 29:11, 12) Yesu mpe otokananga mu kuma kieto. Ekolo tuzizidilanga e mpasi, tufwete sungamenanga e mvovo mia Yesu: “Ngina yeno.” (Mat. 28:20) Vava tuyindulanga luvevoko luna Yave katusila o nsilu, e vuvu kieto kikumamanga, e tima dieto dia zindalala diwokelanga.—Roma 8:19-21.

TALA E VIDEO, EKOLO TEMBWA KIANGOLO KIFINAMANGA, SIA KAKA O MESO MUNA YESU!—NSAMBU ZITWASA E KINTINU. I BOSI, VANA E MVUTU ZA YUVU ILENDE:

• O wantu aweyi bavambanena yo Nzambi ye nkia mfwilu diatwasa?

• Nkia nluta bevua kuna sentu awana besonganga e kwikizi kwa Yave?

• Ekuma twinina ye ziku vo mambu mama mawonso mevangama?

• Nkia nsambu tuvua muna nz’ampa olakukilwanga o moyo?