Nga mu Kubama Wina mu Kuma kia Luyindulu?

E Lambu dia Nduta diansuka dia Yesu mfunu kikilu diakala. Wau kazaya wo vo ke kolo ko ofwa, wavanga e nkubika muna dia e lambu dia Nduta kumosi ye ntumwa zandi yo sikidisa diambu diampa, i sia vo, Nlekelo a Mfumu. Yesu walomba kwa Petelo yo Yoane vo bakubika e fulu kina bevangila e lambu dia Nduta. (Luka 22:7-13; tala e fwaniswa vana fukwa.) Ediadi dikutusungamesanga o mfunu wa kubama mu kuma kia Luyindulu lukala kina kia 27 kia Malusu. Kalukatikisu ko vo e nkutakani yakubikidi kala o mpovi, mbolo ye vinyu ye makaka mpe. Kansi, adieyi olenda vanga mu kubama mu kuma kia luyindulu?

Kubika o ntim’aku. Tanga yo badika e sono ya Bibila mu kuma kia Luyindulu. Olenda solola e sono yayi muna finkanda, Fimpanga e Sono Lumbu Yawonso. Avo ozolele zaya mayingi mu kuma kia luyindulu, tala Nkudika B12 muna Bibila Nsekola ya Nz’ampa. (Tala mpe o Nkand’a Malongi, wa Abidi 2020). Muna solola mambu mankaka mu kuma kia lukûlu mana olenda sadila muna nsambila ya esi nzo, tala Índice das Publicações da Torre de Vigia yovo Nkanda wa Vavulwila wa Mbangi za Yave.

Bokela akaka beza mu Luyindulu. Vanga mawonso mu bokela wantu ayingi. Yindula awana olenda bokela nze, wantu ana wamokena yau kala, alongoki a Bibila, wantu ana nuzayanene ye yitu yaku. Akuluntu bafwete vanga mawonso mu bokela awana bayoya muna mwanda. Adieyi tuvova avo obokele muntu ona ozingilanga mu zunga kiankaka? Ziula e nzil’eto jw.org, bosa vana fulu kiasonama TU AKI NANI i bosi, bosa vana “Luyindulu.” Osolola vo e fulu ye ola ivangama o Luyindulu muna zunga kiandi.

Adieyi diaka tulenda vanga mu kubama mu kuma kia Luyindulu?