SILA UMBANGI UNA UFWENE | WOKESA E KIESE KIAKU MUNA SALU KIA UMBANGI
Sadisa Alongoki aku Bazaya una Bafwete Kuyidikidila Muna Mwanda
Muna lungisa e nsatu zau za mwanda yo kubasadisa muna nungunuka, alongoki a Bibila bafwete longoka mambu mayingi ke mana kaka tukubalonganga ko. (Mat. 5:3; Ayib. 5:12–6:2) Divavanga mpe vo balongoka una balenda kuyidikidila muna mwanda.
Tuka kuna lubantiku, songa una alongoki aku balenda kubikila e longi diau dia Bibila yo kubakasakesa mu vanga wo. (mwb18.03 6) Ubakasakesa basambanga vitila bayantika e longi dia yau kibeni. Ubalonga una balenda sadila e salanganu yeto ya longokela muna telefone, tablete yovo komputadore zau. Ubasadisa mpe bazaya una balenda kotela muna nzil’eto ya internete ye muna TV ya Mbangi za Yave. Malembe-malembe ubakasakesa batanganga e Bibila lumbu yawonso, kubika malongi ma tukutakanu yo vavulula e mvutu za yuvu yau. Ubasadisa mpe babadikanga mana belongokanga.
TALA E VIDEO, SADISA ALONGOKI AKU BAZAYA UNA BAFWETE KUYIDIKIDILANGA MUNA MWANDA, I BOSI, VANA E MVUTU ZA YUVU ILENDE:
Aweyi Anita kasadisidi Petala kabakula vo o longoka ke mpasi solola mvutu za yuvu ko?
Nkia diambu disadisi Petala mu kwikila vo Yave una yo nswa wa sima e vangu dia zumba?
Sadisa alongoki aku bazaya una balenda longokela mambu mamfunu yo sadila mo
Adieyi Petala kalongokele mu kuma kia badika?