Sadisa Alongoki aku a Bibila Balembi Vanganga Yikundi Yambi

Muna kala akundi a Yave, alongoki a Bibila bafwete toma sola akundi au. (Nku. 15:1, 4) Akundi ambote bekutufilanga mu vanga oma mansongi.—Nga. 13:20; Zinga ye Kiese longi dia 48.

Songanga e ngemba kwa alongoki aku a Bibila vava okubasadisanga mu venga e yikundi yambi. Dilenda kala diampasi kwa yau mu yambula viokesa e ntangwa ye akundi au a nza. Kumokeninge kaka ye alongoki ko muna lumbu kia longoka, kansi songanga vo wete diau otokanenanga. Olenda kubatwikila e mensagem, kubabokela yovo kubakingula nkutu. Ekolo alongoki aku benungunukanga, olenda kubabokela kimana baviokesanga e ntangwa kumosi yo nkangu a Yave. Muna mpila yayi, bemona vo nsambu zayingi betambulanga ke mu lekwa ina basisa ko kuna nza. (Maku 10:29, 30) Ongeye mpe oyangalala mu mona una e kanda dia Yave diwokelelanga.

TALA E VIDEO, SADISA ALONGOKI AKU BAVENGANGA IKUNDI YAMBI. I BOSI, VANA E MVUTU ZA YUVU ILENDE:

• Nki i yikundi yambi?—1 Kor. 15:33

• Adieyi Petala kayindulanga mu kuma kia nsaka vana vena Akristu?

• Aweyi Anita kasadisila Petala kimana kayambula akundi ambi?