Lunga-lunga e Zolela Yaku

Wau vo tu wantu alembi lunga, ngolo divavanga muna lunga-lunga e zolela yeto. Avo tuyambwidi vo zolela yambi yatuyala, tulenda vidisa e dienga dia Yave. Kasikil’owu, ankaka beyambulanga vo e mambu nze madia, fulu kia zingila ye mvuatu miakulula o zola kwau muna Nzambi. Ankaka belungisanga e nsatu zau za vukana yovo yambila lembi landa e nkanikinu mia Nzambi. (Roma 1:26, 27) Vo i akaka beyambulanga vo bavukumunua kimana batondakana kwa akundi au.—Luv. 23:2.

Aweyi tulenda lunga-lungila e zolela yeto? Tufwete vanga mawonso mu sia e sungididi muna mambu ma mwanda. (Mat. 4:4) Tufwete mpe dodokela Yave katusadisa mu lunga-lunga e zolela yeto. Ekuma? E kuma kadi yandi ozeye edi disundidi o wete kwa yeto, ozeye mpe una tulenda lungisila e zolela yeto.—Nku. 145:16.

TALA E VIDEO, KUYAMBULA KO WAFWA MU KUMA KIA NUA MFOMO. I BOSI, VANA E MVUTU ZA YUVU ILENDE:

• 

  Ekuma wantu akaka benuinanga e mfomo?

• 

  O nua e mfomo nkia mfwilu dilenda kutwasila?

• 

  Ekuma o nua e mfomo ye cigarro eletrónico dinina diambi?—2 Kor. 7:1.

• 

  Adieyi olenda vanga avo muntu uvene e mfomo? Adieyi olenda vanga avo ozolele yambula e fu kia nua e mfomo?