Una Tulenda Sadila e Video za Longokela Bibila

Tuvuidi video ziyá zivovelanga e longi dia Bibila ezi tulenda sadila muna salu kia umbangi. Nkia kani diavaikisilwa konso video?

• 

  Ekuma Ofwete Longokela e Bibila?—Yamvimba, yakubikwa ye kani dia sikamesa e tima dia wantu kimana balongoka e Bibila kiakala nkia mambu bekwikilanga. E video yayi ikasakesanga o wantu bavava e mvutu za yuvu yamfunu muna Bibila, isonganga mpe una balenda sololwela e mvutu zazi. Kuna mfoko, isonganga una wantu balenda lombela e longi dia Bibila.

• 

  Ekuma Ofwete Longokela e Bibila? (findambu kaka) yafwanana ye video yamvimba, kansi eyayi yankufi. Ilenda toma sadilwa muna zunga ina vo wantu ke bekalanga ye ntangwa yayingi ko.

• 

  Aweyi Wantu Belongokelanga Bibila? yakubikwa ye kani dia sadisa o wantu kimana bayangalela e nkubik’eto ya longoka e Bibila yo wantu mu ngovo. Ivananga mpe e mvutu za yuvu itoma yuvulwanga kwa wantu mu kuma kia longi dia Bibila. Kuna mfoko, isasilanga una wantu balenda lombela e longi dia Bibila.

• 

  Ngiz’ambote mu Longi Diaku dia Bibila, yakubikwa kimana yasongwa kwa alongoki a Bibila. Kana una vo e video yayi ina muna lukaya lwazole lwa nkanda Zinga ye Kiese Yakwele Mvu! tulenda yo songa mpe ekolo tusadilanga e finkanda Zinga ye Kiese Yakwele Mvu! E video isasilanga mana mena muna nkanda ye mana o nlongoki kalenda vanga ekolo kelongoka o nkanda wau.

Dialudi vo konso video yavaikiswa ye kani diasikididi, kansi tulenda zo songa yovo twika kwa wantu konso ntangwa divuilu o mfunu. Ateleki, nuvanga mawonso nulenda muna toma zaya mana mena muna video zazi yo toma zo sadila muna salu kia umbangi.