ZINGU KIA KIKRISTU
Uyibadikila Wauna Yave Kekubadikilanga
“Yave oyangalelanga nkangu andi.” (Nku. 149:4) Kana una vo tu wantu alembi lunga, Yave omonanga e fu yeto yambote ye mana tulenda vanga. Kansi, ezak’e ntangwa dilenda kala diampasi mu kala ye ngindu zasikila mu kuma kia mpila tukuyibadikilanga. Tulenda yindula vo ke tuna mfunu ko mu kuma kia mpila ina akaka bekutubadikilanga. Ezak’e ntangwa mpe tulenda katikisa kana vo Yave okutuzolanga kikilu mu kuma kia masumu mana twavola. Nki kilenda kutusadisa mu sunda e ngindu zazi?
Sungamena vo Yave omonanga mana o wantu ke balendi mona ko. (1 Sam. 16:7) Ediadi disongele vo Yave omonanga lutila mana yeto kibeni tulenda mona. Diakiese wau vo e Bibila kikutusadisanga mu bakula una Yave kekutubadikilanga. Tubakulanga wo vava tubadikanga e sono ye tusansu twa Bibila tusonganga una Yave kesongelanga o zola kwa asambidi andi.
TALA E VIDEO, KWIKIDISA O NTIM’AKU. I BOSI, VANA E MVUTU ZA YUVU ILENDE:
E nona kia nlundumuki yo se diandi adieyi kitulongele mu kuma kia mpila ina o Yave kekutubadikilanga?
Avo muntu ona ovolele sumu diampwena ovangidi mawonso mu vutulwisa e ngwizani andi yo Yave, aweyi kalenda kwikidisila o ntim’andi?—1 Yoa. 3:19, 20
Nkia nluta kabakidi o mpangi ayakala wau katangidi yo badika o lusansu lwa Davidi yo Yosafate?