ZINGU KIA KIKRISTU
Yave i “Se dia Wan’a Nsona”
Konso mvu, aleke ayingi bebakanga nzengo za sadila Yave yo kituka se akundi andi. (Nku. 110:3) Yave otokanenanga e wete dia konso muntu mu yeno. Yave obakulanga e mpasi nunuananga zau ye osianga o nsilu wa kunusadisa kimana nuakwamanana kunsadila. Avo mu nzo ina vo mosi muna mase maku ke sadilanga Yave ko osansukilanga, sungamena dio vo Yave i “se dia wan’a nsona.” (Nku. 68:5) Muna kuma kiaki, kana nkutu nkia mpasi owanananga zau, kala ye ziku vo Yave okusadisa mu zizidila zo.—1 Pet. 5:10.
TALA E VIDEO, AWANA BENUANANGA VITA MU KUMA KIA LUKWIKILU YO SIKILA—AWANA BESANSWANGA KAKA KWA SE YOVO NGUDI. I BOSI, VANA E MVUTU ZA YUVU ILENDE:
Adieyi olongokele muna mbandu a Tammy, Charles yo Jimmy?
Nkia nsilu a lufiaulwisu una muna Nkunga 27:10 mu kuma kia awana besansukilanga muna nzo ina vo mosi muna mase ke sadilanga Yave ko?