ZINGU KIA KIKRISTU
Befuntukanga Muna Wete Dieto
Akengi a zunga kumosi ye akazi au, bekuyivananga kuna mvevo wawonso muna sadila akaka. Nze yeto awonso, ezak’e ntangwa oyau mpe benuananga ye mpasi nze lutovoko, lukendalalu ye ntelamw’a moyo. (Yak. 5:17) Kanele vo i wau, konso lumingu besianga e sungididi mu kasakesa mpangi zamakala ye zamakento muna nkutakani bekingulanga. Elo, akengi a zunga bafwana ‘toma zitiswa.’—1 Tim. 5:17.
Vava Paulu wa ntumwa kayisila e kani dia kingula ampangi za nkutakani a Roma muna ‘kubavana lukau lwa kimwanda,’ wakala ye tima dia ‘kasakesa muntu yo nkwandi.’ (Roma 1:11, 12) Nga wayindula kala una olenda kasakesela o nkengi a zunga kieno kumosi yo nkaz’andi, avo wasompa?
TALA E VIDEO, ZINGU KIA NKENGI A ZUNGA MUNA MAVATA. I BOSI, VANA E MVUTU ZA YUVU ILENDE:
Mu nkia mpila akengi a zunga ye akazi au besongelanga o ntim’amvevo kwa mpangi muna nkutakani?
Nkia nluta ovuanga muna ngolo bevanganga?
Aweyi tulenda kubakasakesela?