ZINGU KIA KIKRISTU
Yave Osadisanga Awana Bakendalele
Ezak’e ntangwa yeto awonso tukendalalanga. O kendalala ke disongele ko vo ke tuna ye lukwikilu muna Yave ko. Vana ntandu, vekalanga mpe ye ntangwa ina Yave kekendalalanga. (Tuku 6:5, 6) Kansi, adieyi tulenda vanga avo nkumbu miayingi tukendalalanga yovo mu kolo kiandá?
Lomba lusadisu lwa Yave muna sambu. Yave otoma tokanenanga e wete dieto. Ozayanga vava tukalanga ye kiese ye vava tukendalalanga. Obakulanga mpe e kuma kikutufilanga mu yindula yovo vanga diambu kingandi. (Nku. 7:9b) Vana ntandu, Yave okutuvuanga o mfunu ye okutusadisanga mu zizidila o lukendalalu kana nkutu kimbevo kia lukendalalu lwasaka.—Nku. 34:18.
Tanina e ngindu zaku. O lukendalalu ke lukatulanga kaka kiese kieto ko, kansi lulenda kulula mpe e kikundi kieto yo Yave. Muna kuma kiaki, diambote twatoma lunga-lunganga e ntima mieto, i sia vo, kiwuntu kieto kiakati.—Nga. 4:23.
TALA E VIDEO, MPANGI ZETO BEKALANGA MU LUVUVAMU KANA NKUTU VAVA BENUANANGA YE LUKENDALALU LWASAKA. I BOSI, VANA E MVUTU ZA YUVU ILENDE:
Nkia mambu kavanga o mpangi Nikki muna zizidila o lukendalalu lwasaka?
Ekuma mpangi Nikki kamwena vo lusadisu lwa dotolo kavuanga o mfunu?—Mat. 9:12
Aweyi mpangi Nikki kavavila o lusadisu lwa Yave?