29 KIA ABIDI–5 KIA MAYU
NKUNGA 34-35
Nkunga wa 10 ye Sambu | Mvovo Miantete (Min. 1)
1. “Kembelela Yave Ntangwa Zawonso”
(Min. 10)
Davidi wakembelelanga Yave kana nkutu vava kanuananga ye mambu mampasi (Nku. 34:1; Eyingidilu dia 1/3/2007 luk. 26 tini kia 11)
Davidi kayisana ko mu kuma kia yandi kibeni, kansi wayisaninanga muna Yave (Nku. 34:2-4; Eyingidilu dia 1/3/2007 luk. 26 tini kia 13)
E mvovo mia lusanisinu mia Davidi miakasakesa akundi andi (Nku. 34:5; Eyingidilu dia 1/3/2007 luk. 26-27 tini kia 15)
Vava Davidi kavevolwa kwa Abimeleke, wantu 400 ana ke bayangalelanga luyalu lwa Saulu ko banyikama muna makanga. (1 Sam. 22:1, 2) Nanga Davidi wantu awaya kayindula vava kasoneka o nkunga wau.—Nku. 34, mvovo mina vana ntandu.
UKIYUVULA: ‘Aweyi ndenda kembelela Yave vava imokena yo muntu muna lukutakanu lulanda?’
2. Tusalu twa Mwanda
(Min. 10)
Nku. 35:19—Ayeyi i nsas’a ndomba Davidi vava kavova vo kuyambula ko awana bambengene “bandayila meso kuna luvezo”? (Eyingidilu dia 1/6/2006 luk. 31 tini kia 10)
Nkia diambu osolwele muna ntangilu aku a Bibila ya lumingu lwalu?
3. Ntangilu a Bibila
(Min. 4) Nku. 34:1–22 (th longi dia 5)
4. Mpila ya Yantikila e Moko
(Min. 2) SILA UMBANGI KUNA KINSALUKISA. E moko kizengokele vitila wasila umbangi. (Zolanga o Wantu longi dia 1 diambu dia 4)
5. Nkingula
(Min. 4) SILA UMBANGI KUNA KINSALUKISA. (Zolanga o Wantu longi dia 2 diambu dia 4)
6. Sasila Mana Okwikilanga
(Min. 5) Nsongesela. ijwfq 59—Ntu a Diambu: Aweyi Mbangi za Yave bezayilanga vo Nkinzi Kingandi Wambote Yovo Wambi? (th longi dia 17)
Nkunga wa 59
7. Mpila Tatu Tulenda Kembelela Yave Muna Tukutakanu
(Min. 15) Longi dia mbokena yo nkangu.
O tukutakanu tweto tukutuvananga e lau dia kembelela Yave. Tala e mpila tatu tulenda wo vangila.
Mbokena: Vovelanga oma ma wete wa Yave vava omokenanga ye akaka (Nku. 145:1, 7) Nga wawá kala yovo tanga diambu diasikididi edi diatwasila nluta? Nga diambu dia lukasakeso wawananene diau muna salu kia umbangi? Nga lukasakeso watambwidi kwa muntu muna mvovo yovo muna mavangu? Nga lekwa wamwene muna nsema kiasivikisi? Mawonso mama mena se tukau kekutuvananga o Yave. (Yak. 1:17) Lwakanga mu ola kimana wakala ye ntangwa ya mokenena mambu mama ye akaka.
Nkomena: Vanganga e ngolo mu vana kana nkutu nkomena imosi muna tukutakanu. (Nku. 26:12) Olenda vana e mvutu za kiuvu kiveno yovo vana e nkomena, vovela oma ma sono iyikilu muna longi, fwaniswa yovo vovela una tulenda sadila e diambu tuna longoka. Wau vo akaka mpe bezangula e moko, diambote mu kubika e nkomena zayingi. Ndonga bekala ye lau dia “tambika lukau lwa lusanisinu kwa Nzambi” avo tuvene nkomena zankufi mu segundu 30 yovo 20.—Ayib. 13:15.
Nkunga: Yimbilanga e nkunga mia Kintinu ye kiese kiawonso. (Nku. 147:1) Dilenda kala vo kuvana nkomena ko muna tukutakanu twawonso, kansi e lumbu yawonso olenda yimbila e nkunga ye kiese kiawonso. Kana nkutu omonanga vo kutoma yimbilanga ko, vava ovanganga mawonso mu yimbila, Yave oyangalalanga. (2 Kor. 8:12) Olenda toma kubama muna yimbilanga e nkunga kuna nzo vitila wenda muna lukutakanu.
Songa e VIDEO Lusansu Lweto Lutulwakisi Ovava—Lukau lwa Yimbila Nkunga, Kunku kia 1. I bosi, yuvula kwa nkangu:
Muna kolo kina kiayantika sikidiswa e nkubik’eto, aweyi o kembelela Yave muna nkunga diakadila se diambu diamfunu kwa yeto?