Olembiwa na Mateyu
1 Buku lofotokoza vya zele wa makolo a Yesu Kristu,* mwana wa Davide, mwana wa Aburahamu:
2 Aburahamu abalile Isaki.
Isaki abalile Yakobo.
Yakobo abalile Yuda na achimwenae.
3 Yuda abalile Perezi na Zera, moi m’miwa ali Tamara.
Perezi abalile Hezironi.
Hezironi abalile Ramu.
4 Ramu abalile Aminadabu. Aminadabu abalile Naasoni. Naasoni abalile Salimoni.
5 Salimoni abalile Boazi, moi m’mae ali Rahabi.
Boazi abalile Obedi, moi m’mae ali Rute.
Obedi abalile Jese.
6 Jese abalile Mwene Davide.
Davide abalile Solomo, unoyo m’mae ali iyana wa Uriya.
7 Solomo abalile Rehobowamu.
Rehobowamu abalile Abiya.
Abiya abalile Asa.
8 Asa abalile Yehosafati.
Yehosafati abalile Yehoramu.
Yehoramu abalile Uziya.
9 Uziya abalile Yotamu.
Yotamu abalile Ahazi.
Ahazi abalile Hezekiya.
10 Hezekiya abalile Manase.
Manase abalile Amoni.
Amoni abalile Yosiya.
11 Yosiya abalile Yekoniya na achimwenae vathawi ineyo Ayuda kalandiweathu dowa wu Babulo.
12 Ayuda kangalandiwe dowa wu Babulo, Yekoniya abalile Salatiyeli.
Salatiyeli abalile Zerubabele.
13 Zerubabele abalile Abiyudi.
Abiyudi abalile Eliyakimu.
Eliyakimu abalile Azoro.
14 Azoro abalile Zadoki.
Zadoki abalile Akimu.
Akimu abalile Eliyudi.
15 Eliyudi abalile Eleazara.
Eleazara abalile Matani.
Matani abalile Yakobo.
16 Yakobo abalile Yosefe mamunae wa Mariya, unoyo abalile Yesu, oromoliwa Kristu.
17 Eno mibado detene kumela va Aburahamu dowa fiya va Davide vali mibado 14. Kumela va Davide dowa fiya vathawi ineyo Ayuda kalandiweathu dowa wu Babulo vali mibado 14. Kumela vathawi ineyo Ayudayo kalandiweathu dowa wu Babulo mpakana vathawi ineyo Kristu abaliwe liye, vali mibado 14.
18 Vyevyo vyaireile ira Yesu Kristu abaliwe pivi: Vathawi ineyo Mariya na Yosefe kalonjezanileathu ira kanoza katelane, Mariyoyo ookala oembekezela zela mu kopolo ya zimu owela* kaanatelane. 19 Koma chifukwa yoi mamunae Yosefe ali muthu olungama moi kaafunile munyaswi-a wa athu, ooganiza vyomu-iya mwaisisi.* 20 Koma angaganizele modii-a vya khani inela, ngelo wa Yehova* ooneela wa liye moro-a nomuwandela ira: “Yosefe, mwana wa Davide, kuove mulanda iyanawo Mariya nomudowana waninyu, voi liye ngoembekezela chifukwa ya kopolo ya zimu owela. 21 Liye unoza abale mwana walombwana moi uze umuva-e zina loi Yesu,* chifukwa unoza avulumuche athu umachimwiwa.” 22 Vyetene vyevi vyooireya ira vyevyo Yehova aongile liye zela mwa namaongelae vikwakwaneli-ediwe. Liye aongile ira: 23 “Kavuruwanani! Namwali unoza akale oembekezela moi unoza abale mwana walombwana. Mwanoyo kanoza kamuva-e zina loi Emanueli,” lelo linatapulela ira “Mulungu Uli na Iyo.”
24 Ndiye Yosefe oovenya nopanga mogwilizana na vyevyo ngelo wa Yehova amuwandele liye. Oomulanda iyanae nomudowana waniwa. 25 Koma katagonile limo-i mpakana oobala mwana walombwana. Mwanoyo kamuva-ile zina loi Yesu.